Kōkua

Ke huli ʻia nei

Huli nōhie

E huli wale aku nō ʻoe ma ke kikokiko ʻana i kāu ʻōlelo e huli ana ma ka pahu huli a laila kaomi ma ka . E loaʻa mai ana nā ʻikamu nona ka ʻōlelo āu i huli aku ai.

ʻAʻole pā ka huli ʻana i ke kākau a kākau ʻole ʻia o ke kiko a me ka maʻaka a naʻinaʻi paha o kekahi huapalapala. I laʻana, e like a like ana ka loaʻa ke huli ʻoe i kekahi o nā ʻōlelo ma lalo nei:

Mr. K. Kealawaa
Mr k kealawaa

Ka Huli Kikoʻī

Inā e ʻimi kikoʻī ana i nā huaʻōlelo a pau ma ke kaʻina i kikokiko ʻia ai, e hoʻopaʻa ma waena o nā kaha puanaʻī a puni. I laʻana, inā ua huli iā [ ""ʻike kuʻu maka"" ], inā hoʻi e loaʻa maila nā waihona kahi o ia pokeʻōlelo holoʻokoʻa wale nō.

Nā Huaʻōlelo Boolean

Hiki ke hoʻohana i nā huaʻōlelo ʻekolu ʻo AND, OR, a me NOT ma ka huli ʻana no ka hoʻonui a hoʻēmi ʻana paha i nā mea i loaʻa: ʻo AND ka ʻōlelo e koi ana i ka hoʻohui ʻia o nā huaʻōlelo a pau; ʻo NOT ka ʻōlelo e koi ana i ke komo ʻole o ka huaʻōlelo ʻelua; a ʻo OR ka ʻōlelo e ʻae ana i ke koho i kekahi huaʻōlelo a i ʻole i kekahi aku.

I laʻana, inā ua huli iā [ hālawa AND molokaʻi ], ʻo ka hopena nā waihona a pau kahi o nā huaʻōlelo ʻelua ʻo hale a me nui i loko o ka pili pū a pili pū ʻole paha, kekahi me kekahi

Inā hoʻi ua huli iā [ hālawa NOT molokaʻi ], ʻo ka hopena nā waihona a pau kahi o ka huaʻōlelo ʻo hālawa me ka loaʻa ʻole mai o molokaʻi i loko kekahi.

A inā paha ua huli iā [ hālawa OR molokaʻi ], ʻo ka hopena nā waihona a pau kahi o ka huaʻōlelo ʻo hālawa a i ʻole ʻo molokaʻi

E hiki ana ke kākau i nā huaʻōlelo i loko o ka puanaʻī i mea e paʻa pū ai nā huaʻōlelo e like me ke ʻano i wehewehe ʻia aku nei. Inā ua huli iā [ “molokaʻi nui a hina” AND “maui o kama” ], inā lā e loaʻa maila nā hopena e like me ka i wehewehe ʻia i luna aʻe nei.

Huli Nowelo

E kaomi ma i puka mai ke aniani "Huli nowelo." Hiki ke hoʻohāiki ʻia kāu huli ʻana ma ka:

• Lā
• Inoa o ka nūpepa

Hiki hoʻi ke huli i loko o ke:

• Kikokikona ʻatikala, Kikokikona ʻaoʻao, Poʻomanaʻo ʻatikala a Unuhina ʻatikala
• Kikokikona ʻaoʻao
• Poʻomanaʻo ʻatikala
• Unuhina ʻatikala
• Kikokikona hoʻolaʻa

a koho inā makemake paha i ke kikokikona a nāmua kiʻi e puka mai ma kāu huli ʻana, ʻaʻole paha.

Kekahi mau ʻAno Huli ʻana

Hiki ke hoʻomakakoho ʻia kekahi huaʻōlelo āu e huli ana ma mua o kekahi aku, a pēlā e loli ai ke kaʻina o nā ʻikamu loaʻa mai. E kikokiko i ka “^” a me kekahi helu ma hope o kāu huaʻōlelo e huli ana e hoʻomakakoho i ia huaʻōlelo. I laʻana:

Ke huli aku iā Kailua Kona^2 e hoʻomakakoho ʻia ʻo “Kona” ma mua o “Kailua” ke hoʻokaʻina ʻia mai nā ʻikamu ma hope o kāu huli ʻana.

Penei kekahi mau ʻano o ka huli manamana (wildcard): ʻO ke kiko nīnau “?” (hoʻokahi huapalapala) a me ka hōkū “*” (mau huapalapala) nā hōʻailona no ka huli lauhua ʻana i ka huaʻōlelo. I laʻana, inā ua huli iā [ ʻok? ], inā lā e loaʻa ana ʻo ʻoka, ʻoke, ʻoki, ʻoko, a me ʻoku; he hoʻokahi wale nō huapalapala “lauhua” ma kahi o ke kikonīnau.

Inā naʻe ua huli iā [ ʻok* ], inā e loaʻa maila nā huaʻōlelo nona ia mau huapalapala ma mua o kekahi: nānā ʻole ʻia ka lōʻihi o nā huapalapala ma hope o “ʻok”. No laila, ʻo hoʻokahi, ʻoki, ʻokoʻa, hoʻokuʻu, a pēlā aku, kekahi o nā hopena e loaʻa mai ana paha.

Hiki ke hoʻolaulā iki i kāu huli ʻana ma ka hoʻohana ʻana i ka huli fuzzy. ʻO ia hoʻi, e ʻohi ʻia ana kekahi mau huaʻōlelo ʻano like me kāu i huli ai, malia paha ʻokoʻa kekahi huapalapala. He kōkua kēia, ʻoiai, ʻano hemahema ka heluhelu mīkini ʻana (OCR) i kekahi manawa. E pākuʻi wale aku iā ~1 i ka pau ʻana o kekahi huaʻōlelo. I laʻana:

Ke huli aku iā Waikoloa~1, e loaʻa pū ana ʻo “Waikaloa” a me kekahi mau ʻano hou aku inā paʻi hewa ʻia kekahi huapalapala ma ia huaʻōlelo. He kōkua kēia, ʻoiai ʻaʻole pololei loa ke kikokikona ma hope o ka hoʻoili ʻia i nā manawa a pau.

Huli Makakoho

Ke hoʻomakakoho ʻia kekahi hiʻohiʻona o ka mea e huli ʻia ana e like me ka makahiki, ʻano, a poʻoinoa paha, puka ana ia mau makakoho ma lalo pono o ka pahu huli. E kaomi ma ia mea a i ʻole ma “Wehe i nā mea a pau” no ke kāpae ʻana i ka huli makakoho.

Aia kekahi mau waeʻanona huli makakoho ma ka ʻaoʻao hema o ka paena pūnaewele ma hope o kāu huli ʻana i kekahi mea.

No ka ʻOkina a me ke Kahakō

Ma ka huli maʻamau ʻana ma Kaniʻāina, ʻaʻole nānā ʻia ka ʻokina a me ke kahakō: inā huli ʻoe iā [ pololei ], e loaʻa pū mai ana ʻo pololei a me pololeʻi ma nā hopena. No ka hoʻolilo ʻana i ka ʻokina a me ke kahakō i mau mea ʻoiaʻiʻo ma ka huli ʻana, e hoʻokuene mua ma ka pahu Hoʻokuene Huli i wehewehe ʻia ma lalo iho nei.

No ka OCR (Optical Character Recognition)

He ʻenehana ka OCR e hoʻolilo ʻia ai kekahi ʻano palapala he kikokiona uila ma kona nānā ʻana i ke ʻano o ke kinona o kēlā me kēia huapalapala (The NINCH Guide to Good Practice in the Digital Representation and Management of Cultural Heritage Materials).

He pōmaikaʻi ka OCR, ʻoiai hiki ke huli ʻia ke kikokiona o nā palapala i hoʻoili OCR ʻia. Eia naʻe, ʻaʻole he 100% pololei. Aia ka nui o kona pololei i ka maʻemaʻe o ka palapala kumu, ke kūlana o ia kino pepa i ka wā o kona hoʻoili ʻia ʻana, ka maikaʻi o ka hoʻoili ʻōwili kiʻi ʻia, a me ka maikaʻi o ka polokalamu OCR i hoʻohana ʻia. ʻAʻole ana e pololei loa ka OCR ke hāpaʻupaʻu ka pepa, liʻiliʻi loa ke kinona hua, loaʻa nā kinona hua ʻano like ʻole, hoʻomāhelehele ʻia ke kikokikona ma kekahi mau kōlamu, a pilikia paha ke kino pepa o nā ʻaoʻao i kekahi ʻano mea ʻokoʻa aku.

Ua hana ʻakomi ʻia ke kikokiona a me nā palapala a pau o kēia ʻohina ma o ka OCR. ʻAʻole i loihape ʻia e ke kanaka.

Aia ke kikokikona OCR o kēlā me kēia ʻaoʻao pepa ma ka lepe ma ka ʻaoʻao hema o ka polokalamu heluhelu palapala.