The Liberal, Volume I, Number 40, 28 January 1893 — MAI NANA KEE WALE. [ARTICLE]

MAI NANA KEE WALE.

He mea oiao ke moe maile nei na Hawaii me ka wela o ko lakou naau, oiai, he poe aloha alii ka hapanui loa o lakou a he aloha aina, a o keia no ka olelo oiaio ma ko lakou puuwai i hoopuka ia e ka Hon. J. Ena, "E ahona makou e ilihune mamua o ka lilo ana aku o ka aina i kahi mana nui." He mea oiaio no paha, ua manao ia e ka poe na lakou i hookumu ke Aupuni Kuikawa e ku nei no ke kukulu ana i Aupuni hoiomua a kaulike no ka pono o na mea a pau e noho ana ma Hawaii nei, a o ka oi loa aku no na kanaka hanau o ka sina, mahope iho o ko Amerika Huipuia ae ana mai e lilo io aku kakou i poe Amerika no ia mamo lahui hoi. Aka, e pono no makou e kuhikuhi aku i ke aupuni hou ina kahi o ka nanakee, oia keia; a hoea mai i keia ia, hookahi wale no ano lahui hookauia nai ma na oihana, a ua poina ia paha na Hawaii oiwi a hanau o ka aina. He hana naauao

ma keia. Aole o Amerika e ae koke mai ana me ka ninau ole mai i na Hawaii i ka mea e kaa puila aku nei e ke Aupuni Hou. Eia kekahi, eia no o Beritania he kuikahi e waiho nei. E ae mai ana ka lahui Amerika mamuli wale no o ka ike mai e lokahi ana ka lahui Hawaii oiwi, a o ke mea wale no e lokahi ai mamuli o ka mana o ka peni o na hoaloha o ke aupuni hou ma na nupepa o Amerika Huipuia, a oia ka manao o ia lahui. E hoomanao hou ia he kakaikahi loa na peni mana o keia kuianakauhale iloko o Amerika Huipuia. Ua maopopo ina aole e ae koke o Amerika Huipuia, alaila, he Repubalika ke Aupuni e ku ai a hoea i ka makaukau ana o Amerika e hoohui aku. Eia ka ninau iloko o kela wa, pehea e mau ai ka maluhia? Nolaila, he hana nui maoli imua o ke aupuni hou e ku nei, he hana koikoi maoli aole no paha he mea i maopopo i keia wa. Nolaila no hoi, he mea pono i na hoaloha oiaio a pau o ke Aupuai Repubalika hou e akahele a e nana aku imua a e hoolauleaia na Hawaii Oiwi o ka aina, a mai nana kee wale me na noonoo moowini ma ka hookohu ana ma na hana o ke aupuni i hookahi wale no aoao. E hoakea ka noonoo a e hookomoia na Hawaii he koko Hawaii ko lakou Hoko o na hana a puu, iloko o ka Aha Hooko, Aha Kuka, na oihana e pela aku- I aha ai? I hiki ai ia lakou ke hoomaopopo he aupuni kaulike o ka mea e manao ia nei e kukula. Aka, ina o na aiakai i keia mau ia ka mea e hoomau ia ana, ma ka nana kee wale ana, alaila, mai ahewa aku ia hai, aka, i ko oukou noonoo pokole a haiki i na aole ka aluna i huipuia. E VIVA LA LIBERTA!