The Liberal, Volume I, Number 38, 14 January 1893 — KELA ME KEIA. [ARTICLE]

KELA ME KEIA.

Ehookuu ana ka Ahaolelo i ka hora 12 awakea o keia la. E hele kino ae ana ka Moi e hookuu. Ua lohe wale ia mai i keia hora 2:30. Ua haalele kekahi mau hoa o ka Aha Kuhina o S. Parker. Ua nui ke pioloke o na hoaaloha o ke Aha Kuhina i pau a kue mai nei no ko lakou hoka ana. E hoomaka aku ana na Kuhina hou i ka lakou mau hana me ka eleu nui mahope iho o ka hookuu ana o ka Ahaolelo. Ua lokahi loa na Hawaii a pau mahope o ka Moi e kakoo i kona Aha Kuhina me ka hoolohe ole i na maalea a ka aoao kuee a enemi. Ua lohe wale mai makou e hooana pu ia aku ana ke keikialii Davida Kawananakoa me na Elele o ka Ahaolelo ma ke ano Elele Aupuni no Wasinetona. Ua kakauinoa ka Moi i na Bila Kanawai a pau, i waona o ia mau bila, o ka Bila Loteri kekahi. Nolaila ua eo no ia Hon. William White ke kalalaina loea ma ka maalea. Ua kau hou ka well o ka poe hoopae opiuma mamuli o ka hookou ia ana ae nei o Kapena Tripp ma kahi o ka Luna Kiai Awa. Ua mahalo nui ia keia keonimana no kona hoopono. Ua olepe pu ia ka Aha Kuhina o Brown i ka Poaha nei e 25 kue ia 16 wale no. A mamuli o keia, ua hookohuia aku keia aha kuhina hou malalo iho: Hon. Samuel Parker, Kuhina o na Aina E; F. Colhuru, Kuhina Kalaiaina; Hon. W. H. Cornwell, Kuhina Waiwai; Hon. A. P. Peterson, Loio Kuhina.