The Liberal, Volume I, Number 38, 14 Ianuali 1893 — KA AHA KUHINA HOU O KA MOI. [ARTICLE]

KA AHA KUHINA HOU O KA MOI.

Ua oluolu i ke Alii ka Moiwahine Liliuokalani ka haawi ana mai i ka hookohu i na keonimana malalo nei oia kona mau kuhina; Hon. Samuela Paka, Kuhina o ko na Aina E. John F. Kolopana, Esq., Kuhina Kalaiaina. Hon. W. H. Cornwell, Kuhina Waiwai. Hon. A.P. Peterson, Loio Kuhina. He poe keonimana koikoi keia imua o ka lahui oiwi, a ua hookipa mai ka lahui me ka hauoli e kakoo aka i ke Alii ka Moiwahine iloko o keia wa kupilikii o ka aina. He mea oiaio, aole no paha keia o ka Aha Kuhina maoli a ka lahui i kau nui ai, aka nae, ua hookoia, kekahi manao o ka lahui i elua Hawaii oiwi a i elua mau haole ilipuakea. Eia no hoi kekahi mea nui a ka lahui e noonoo ai, e hoao ia lakou, a malaila wale no e hiki ai ke anaia ko ke kanaka kulana. No ke Kuhina Kalaiaina J.F. Kolopana, he kanaka makaukau oia, he iwikuamoo a ua kue kuhihewa wale no kekahi poe iaia no kona kuokoa. Aka, e ike ana ka lahui oia kekahi Kuhina iwikuamoo iloko o ka Aha Kuhina o Hawaii nei. O ke Kuhina Nui Samuela Paka, he kanaka oia ua ohohia la e ka lehulehu mamuli o kona kupaa ana mahope o na Hawaii, a nana i hooko mua ko ka lehulehu, makemake i elua haole a i olua Hawaii. No W.H. Cornwell, he aliikoa oia i kupaa mau mahope o ka lahui a me ko ke Aliiaimoku mau pono iloko o ka Hale Ahaolelo me ka wiwo ole. OA.P. Peterson, he loea oia ma ke kanawai, he alii ku makani hoi imua o na hoinoia he nui, a au paio iho nei oia mahope o ko ka lahui makemake. He aha Kuhina keia i kakooia e ka poe mea dala. Ina aole lakou e kakooia ana e na poe mea dala oloko nei o ka aina, alaila, e kakoo Ia ana no lakou e ko waho poe, oiai, o ka inoa o ke aupuni ua maikai. Ua oleloia ae no hoi, ua makaukau,

o Claus Spreckles e haawi i mau miliona dala i ke aupuni ina e manao ana ka Aha Kuhina o Samuels Paka pela iloko o na manawa a pau. He mau olelo {illegible} wale no ka {illegible} e paa oiai {illegible} ka poe waiwai {illegible} Kupanaha ka haahaa o ke aupuni malalo o lakou me kona mana nui. E manaoio anei kakou i keia manao {illegible} wale no? Aole loa!