Nupepa Puka La Kuokoa, Volume I, Number 193, 28 December 1893 — He Makana Nui. [ARTICLE]
He Makana Nui.
I ka la 26 o Dekeraaba, 1892, ua haawi makana mai ka Mea Hanohauo Henry Waterhouse ia 36 lala o ka Ahahui Paio o Emma Hale i na dala he $36 Sakahi dala a ka mea hookahi. ka mauao nui, e hookomo ia ma ka haneko Hale Leta ma ko lakou mau inoa pakahi, a e lilo ia i kahua no ka hookuonoono ana ia lakou iho. Me ka haawi hou mai i kekahi mau kala makana e ae penei: 1 —I ka mea mua loa i piha ka $100 a hiki i Dekemaba 25, 1893, he $25 makana. 2 —I ka mea hope iho oia ano hookahi, he $15. 3 —I ke kolu, he $10. 4—1 ka eha, he $5. I ka po Poalua iho nei, imua o ka Ahahui, ua hoike mai ka Peresidena William Higgins, mailoko ae o na lala he 36, he eha wale ho poe i hiki aku i kahi i makemake ia, a ua loaa ia lakou na dala he $55. Aia ka makou aloha aina la, aohe ma ka lehelehe e like me ka na anee alii e liki mai nei ’ aohe nae i lewalewa iho.