Nupepa Puka La Kuokoa, Volume I, Number 192, 27 December 1893 — Hoike Kula ma Kapaa, Kauai. [ARTICLE]

Hoike Kula ma Kapaa, Kauai.

Ua malama ia maloko o ka halekula aupuni ma Kapaa ka hoike kula hapalua makahiki. Ua hiki ae ka luna nui oka hui Makee Sugar Co. oia o Mr. BIaisdell, Mrs. Blaisdeli, Lucy Aukai a me Kev. J. M. Kealoha. Eia na kumu —H. Z. Austin, Mrs. Austin kokua mua, Miss Emily K. Kealoha kokua elua. Ma ka nana ana i na hana a na kumu ua holomua mna loa, a ua ao nui ia na haumana a pau ma na lala nni o ka ike, Piliolelo, Helunaau, Palapala Aina, Kakaulima ame ke ao ana i leo okoa pakahi iloko o ka mamala olelo. Ma ka Arimatika ma ka mahele 2 o na haumana a ke kumu nui, ua lilo ka helu 1 la Miss Lillie Kealoha. He nui ke akamai o ke kumu ma ke ano o ka haumana, a ma ka papa 1 o ke kokiia kumu mua ua hauoli nui au no ka nui o ka naauao o keia kumu ma ke ao ana i na leo okoa iloko o na mamala olelo a me na hopuaaolelo, he nui ka naauao. Ma ko’u manao ana, mai ka hookumu ana o keia kula a hiki i keia mau kumu akahi no au a ike i ke ao nui ia o na keiki i ka olelo Beritania. a no’u iho he nui ko’u aloha a me ka mahalo i ka hana a na kumu. 0ka rumi hope a makou i komo aku ai oia no ka rumi o ke kokua kumu elua, oia o Miss Emily Kealoha, he 50 haumana. Ua hoomaka ia kana poe haumana, ka poe he 3 mahina i hala ae nei, he nui loa ka mahalo o Wm. Blaisdell a me makou a pau no ka hikiwawe loa 0 keia poe liilii i ka apo ana i keia olelo paakiki. A he nui «*» no hoi ka minamina o nakumu 1 ko laua hope kumu a laua i hilinai nui ai, a he mea nui ka loaa anao na kumukula e like me keia kumu. Ua noho kumukula o Miss Emily Kealoha no keia kula no 5 makahiki, a ua lohe ia ua nonoi ia mai oia e kekahi keonimana maikai e komo iloko o ke apo gula o ka mare, ka mea a Paulo i olelo ai,- “He mea mahaloia ka mare no na mea a pau.” He nui ka minamina o na makua no ka haalele mai o Miss Emily Kealoha i ka noho makuahine ana no ka lakou mau keiki. Ina e komo io ana oia iloko o ke apo gula o ka mare, alaila, ke kalokalo ae nei makou e loaa nui mai ia oe na pomaikai maloko o kou noho mare ana. Ua noho oe me ka malama pono i ka hana a ua loaa no hoi ka -uku o kau hana ana, auanuikoumalama ana i kou makua a me kou mau pokii, a pela ke Akua e kokua mai ai ia oe ma keia mua aku, a na ke Akua no e haawi hou mai i hana nau ma kahi o kou haku kane e noho ai. Me ke aloha nui. Mea Kakau.