Nupepa Puka La Kuokoa, Volume I, Number 191, 26 December 1893 — Ua Lawe ka Moku Ahailono corwin i ka Olelo Pane a Dole maia Willis. [ARTICLE]

Ua Lawe ka Moku Ahailono corwin i ka Olelo Pane a Dole maia Willis.

Ma ka hora 4 o ke kakahiaka la Sahati Hekemaha 24, ua holo aku ka moku ahailono uukn “Corwin” i Kapalakiko mekapuolo palapalaakeKuhina Willis, e hoakaka ana ike Kuhina nui Gresham i kana mau hana ma Honolulu nei. 0 kana mea ano nui i palapala aku nei, oia no kona noi ana ia Dole ma e hoihoi ae ika Moūwahine, ame ka ke Aupuni Kuikawa palapala pane aku ma ka hoole ana aku. Ma ka Aha Kuka nui o ka Poalua nei, ua hooholo ia ke ano nui oua palapala la. Ua hoomaka koke o Uole -ma e haku i kela palapala me ke akahele, e hai pololei ana i na mea kupono apau. Ma ka Poakolu a me Poaha mai, ua hoomau lakou ma kela hana. 0 Mr. Hatch kekahi i kokua nui mai me kona naauao kanawai. Poalima mai, ua ku mai o Hon. L. A. Kakina, a ua kakoo ikaika mai mamuli o kona kamaaina i na manao o ka poe luna aupuni ma Wasinetoua. Auwina la Poaono ua pau i ka haku ia ka olelo pane, a ua akoakoa hou mai ka Aha Kuka a heluhelu ia i mua o lakou aka he mau hooponopono uuku kai hookomo ia, alaila ua hana awiwi ia na kope ma ke kakau lima pai, a kokoke i ke aumoe, ua hoouna ia ka palapala i ka lima o ke Kuhina Amerika. Hana hoi i hoouna loa aku i Kapalakiko maluna o ke “Corwiu. :j He 18 na aoao o kela palapala ahe loihi no hoi, ua like me na aoao ekolu o keia nupepa puka la. Ua huna loa ia na olelo i kakau ia maloko, no ke kumu, he hana kohu ole ke hoopuka e ia i mua o ka lehnlehu na mea i palapala mua ia no Peresidena Kalivalana, o lohe e ka lehulehu mamua o kona heluhelu ana. Aia a maopopo ua hala loa aku imaa kela palapala, alaila, e hoopuka ia ana maanei, a e ike ana kakeu apau.