Nupepa Puka La Kuokoa, Volume I, Number 191, 26 December 1893 — O ke Kumuhana Hawaii ka Mea Hapai mua ia ma ka Ahaolelo Lahui. [ARTICLE]

O ke Kumuhana Hawaii ka Mea Hapai mua ia ma ka Ahaolelo Lahui.

Ma ka la 4 o Hekemaha nei i akoakoa hou ai ka Ahaolelo Lahui o Amerika Huipuia, He mau hana hooponopono ma ka la mua, a ma ka la 5, ua hoala ia mai me ka ikaika e Luna Senate Uolph o Oregona ke kum.uhana o Hawaii me ka hoahewa loa ana i ko Kalivalana manao e hoihoi i ka Moiwahine. Ma ka la 6 mai, ua lawe mai o Luna Senate Hoar o Masakuseta he olelo hooholo e kauoha ana i ka Peresidena e haawi koke mai i ka Aha Senate i na olelo hoakaka a pau loa e pili ana i ke kumuhana o Hawaii. Eha wale no mea kue i ua olelo hooholo la ma ka aoao o Kalivalana i ka wa i noonoo ia ai. Ua hoole lakou malia aole paha o Kalivalana i kauoha ia Willis e hoihoi i ka Moiwahine me ka ikaika o na mea kaua.

0 Luna Senate Hiil, he Demokarata, ka mea kue ikaika loa ia Kalivalana no kona hapai ana i na hana kuwaho me ke kuka pu ole me ka Aha Senate. Ua hele a makau loa ka aoao 0 Kalivalana, a ua hooholo lokahi ia ka olelo hooholo a Luna Senate Dolph. Ma ia la hookahi no hoi, ua lawe mai ka Lunamakaainana Hitt he elua mau olelo hooholo e kauoha ana i ka Peresidena e haawī koke mai i na palapala hoakaka a pau; a o ka lua, e hoahewa loa ana i ka hana hokai i kekahi Aupuni makamaka me ka manao hookahuli iaia a e hoohoho aku i Aupuni MoL Ha hooholo koke ia na olelo hooholo. Nolaila, ua maopopo ka lokahi o na hale elua o ka Ahaolelo Lahui i ke kue ika hoihoi Moiwahine. Aole e hiki 1ka Peresidena ke kue ia lakou. Ua haule loa kona manao hoihoi alii.