Nupepa Puka La Kuokoa, Volume I, Number 173, 22 Nowemapa 1893 — Ka Powa ia ana o Meia harisona: [ARTICLE]

Ka Powa ia ana o Meia harisona:

Ua pepehi mamoino ia o Carter Harisona, ka Meia o Kikako, ma kona hale noho ma ia kulanakauhale, e kekahi haole puuwai eleele ma ka la 28 o Okatoba, hora 7:30abiahi. E kamailio olioli ana ka Meia me kana mau keiki, a kani ka hele o ka puka komo. Kanalua ke kaikamahine kauwa i ke ano o ke kanaka ma ka puka, Okona hooke maino ia iaia, a komo mai iloko. Lohe o Harisona iaia, komo mai a ninau, “heaha kau? ,?

Aohe pane leo mai o ka malihini, aka kipn koke mai oia i ka Meia me ka pu-panapana. Ku ka poka ma kona umauma, hikaka ia, kipu hou mai ka powa a ku ka poka ma kona opu. Hikaka aku ka Meia iloko o ke keena paina. Hahai loloa aku ka puuwai lokoino iaia a kipu hou. Eopu aku o Harisona i ka pu, a ua nahaehae nae ka lima ika poka. 0 kona hina no ia a make koke iho. Holo mai ke kalaiwa-kaa o Harisona, kipu hou .aku ka powa iaia, aole nae i ku i ka poka. Holo aku la ka powa a alualua aku ke kalaiwa, aole nae i loaa. Ua holo pololei ka pepehi kanaka i ka hale o na makai, i hoomalu lakou iaia no kona makau o pepehi mainoino ia ena kanaka. 0 kona inoa o Prendergast. Ua hoolewa ia o Harisona ma Novemaha 1, a ua hele nui mai na kanaka i kona hoolewa. Ua hoopalau ia ka Meia a e mare koke ana ia Miss Howard o Hu Oleana, he kaikamahine ona miliona. Ua aneane e pupule kelakaikamahine no keia ulia poino. 0 ka waiwai he iwakalua miliooa o keia kaikamahine, ua loaa ia i kona makuakane Mr. Howard ma ka hana piliwaiwai kaulana o ka Loteri o Louisiana, he dala pakaha wale no ka lehulehu mai o ka poe ilihune.