Nupepa Puka La Kuokoa, Volume I, Number 170, 16 November 1893 — Noho malie ke Kuhina Amerika Willis. [ARTICLE]

Noho malie ke Kuhina Amerika Willis.

Ua aneane e elua ae nei mau hebedoma mai ko ka Ēlele Kuhina Willis hiki ana mai ma Honolulu nei. A ua eiwa ae nei no hoi la i hala mahope 0 kona hoike ana i kona palapala hookohu ia Peresidena Dole aole nae ia i hoike hou mai ika Peresidena i kekahi manao mai a Kalivalana mai. Nolaila ua koho wale ia, aole no paha a Kalivalana kauoha iki iaia,e hapai i kekahi hana ma Honolulu nei i keia wa. .Ma ka ninau ana aku ia Peresidena Dole, aohe o lakou lohe iki he manao ko Mr. Willis e hapai i kekahi hoopouopono ana me lakou. Malia paha, a ku hou mai ka mokuahi lawe leta “Monowai” 1 keia Poaha ae, alaila loheia ko Kalivalana elele palapala i ka Ahaolelo Lahui no ka ninau o Hawaii nei. Ma ka manao nae o kekahi poe, aole e hoopuka ana ka Peresidena i kona manao no Hawaii a hiki ika halawai hou ana oka Ahaolelo ma ko lakou kau mau i Dekemaha. Ua loihi loa ke kali hoomanawanui aua o Hawaii e lohe i ka manao o kela Peresidena ame ke ano oka Mr. Blount hoike.