Nupepa Puka La Kuokoa, Volume I, Number 162, 2 November 1893 — UA PUKA LOA NA KAA LIO MAI HILO A HIKI I KILAUEA. [ARTICLE]

UA PUKA LOA NA KAA LIO MAI HILO A HIKI I KILAUEA.

Ikala 19 o Okatoba, bora 2 auina la, ua kau ua kane a me na wahiue he 22 maluna o na kaalio, a holo iuka i ka hale hotele ma Olaa mai Hilo kaona aku. Moe malaila. a i ka hora„6 kakahiaka o kekahi la ae, kau hou ma na kaa, a holo loa aku a hiki i ka hotele nui ma Kilanea i ka hora 10:30 kakahiaka. 0 na mile eono i koe manka, he inoino ke alanui, aole i hana ia e ke Anpuni. Na J. R Wilson nae i hoomaikai e hikī ai na kaa ke hele me kahoomanawanai. Akahi no a holo na kaa mai Hilo a hiM loa aku i Kilauea. He mea hou keia, he mea nui no hoi, oka pau paha keia oka luhi a me ka inea o na malihini ike kau maluna o na ho a holo aku me ke pahemahema ike ole i ka hololio. Ua iho hou mai na poe makaikai pele la ika la 21, mai ka hora 8 a hiki i ka hora 8ka manawa, okahoi ana i kai, oia hoi ehiku hora wale no. Ma keia mua aku, e holo pinepine ana na kaalio hoolimalima a Wilson i Kilauea ma ka ekolu holo ana o kela a me keia pule.