Nupepa Puka La Kuokoa, Volume I, Number 158, 26 October 1893 — Hoolomua Pai i na Hapahaole a Hookae i na Hawaii Maoli. [ARTICLE]

Ho olomua Pai i na Hapahaole a Hookae i na Hawaii Maoli.

I kekahi la aku nei i hala, ua iioike hookae loa mai o “Holomua” i na Hawaii maoli me ka olelo haakei, o na hapahaole ka poe nona ke aupuni ma keia mua aku. 0 na kanaka maoli, ua hele anawaliwali loa, e pau loa ana i ka make, a na aneane e pau ko lakou kuleana ma ka aina, Aka, o na hapahaole he poe ikaika, ke mahuahua nei lakou, he akamai, he eleu. 0 ka hapahaole ke kanaka e ola lanakila ana ma Hawaii nei, a iaia ke aupuni ma keia mua aku. Aohe o makou mahalo ikeia hookae wale ana mai o ka Holomua i ka lahui Hawaii maoli, a hookiekie ae i na hapahaole. Aole loa he wahi kohu i ka naauao a me ka pololei Ina he hemahema ke koko Hawaii, he nawaliwali, alaila, ua iii like ka hapalua o ia hemahema i na hapahaole,

, no ia mea, he hapa Hawaii no : lakon. Nolaila, aohe kumu o na hapahaole e akena a hookiekie wale ae ai maluna- o ko , lakou pilikoko Hawaii, aka, ‘ me ia nae o Holomua e hana ; neL Me he la ke hoomakaukau • nei o Holomua no ka pae mai o T. H. Davies, me ka manao e huki ae iluna i ka hae o Kaiulani he hapahaole ia, oia ka mea kupono i Moiwahine, a e hoopili aku na hapahaole a 1 pau la Kaiulani. Ke manao nei no o Holomua e hookae ia , Liliuokalani, hc Hawaii ponoi 1 kela, a e hookae pu i kanaka Hawaii a pau. “0 na hapahaole ka poe mana ma Hawaii nei—e haawi ia lakou ke aupuni. E noho na Hawaii maoli i muliwaa loa,” Hookahi wale no aoao pono o ka hookele aupuni ana, oia no ka noho like ona kanaka, E haawi i kela kanaka keia kanaka ika hana hiki laia —i hana kupono i kona akamai, kona ikaika, kona hoomanawanui. kona miki a me kaeleu. Aolee pono kenanai kona ano koko, a nie ke ano o konaili. Pela e pomaikai ai ka lehulehu, a e holo maikai ai na hana aUpuni.