Nupepa Puka La Kuokoa, Volume I, Number 155, 23 October 1893 — Untitled [ARTICLE]

3— 0 ka poe haole nouaia mau waiwai a me ua hana nui, na lakou no e kau kanawai, a na lakou no e hoomalu maluna o lakou iho. Aole loa he mea hiki ia lakou ke ae na kanaka Hawaii maoli e kau kanawai no lakou. Aole lawa o ko lakou akamai a me ko lakou ikaika e lawelawe ma na oihana hooulu waiwai aina, nolaila, aole hiki ia lakou ke hookele ike aupuni. E noho malie na Hawaii, a na na haole e hnokele. 0 ka hooponopono ana i ke aupuni e maluhia ai a e kuonoono ai ka huli ana ika waiwai, ame ka hoolala ana i na hana a pau, he mea ano nui loa ia i keia poe haole. Aole loa e hiki ana ia lakou ke hookuu wale aku i kela hana iloko o na lima o kanaka Hawaii, he poe ike ole i kela mau hana nui. 0na oihana hooulu waiwai, oia no ka mea' e noho lanakila ana maluna o na aupuni aui a pau o ke ao nei i keia wa. Pela no ma Hawaii nei. 0 na haole Amenika, ia lakou na hapaumi ehiku o na hana a pau ma Hawaii, nolaila ia lakou ka malama i ke aupuni.” 0 na manao keia o ke “Star” e kukulu mai nei. He pono i kanaka Hawaii e lawe i kela mau manao a e noonoo pono me ke akahele. Me he la ika nana aku, ua lilo mua na hana huli waiwai a pau maloko o na lima o na haole, nolaila, e lilo ana no hoi ke aupuni ia lakou. Ina he oiaio keia, alaila hookahi wale no mea knpono i kanaka Hawaii, e ae oluoln aku i keia mea, a e hui pu me na haole, e nonoi akn ia Amerika Huipuia e hoopalahalaha mai i koua malu kaulike maluna o kakou a pau, i maluhia like na aoao a pau.