Nupepa Puka La Kuokoa, Volume I, Number 153, 18 October 1893 — HE MOOLELO Hooniua Puuwai NO OLANDO KAAKA [ARTICLE]

HE MOOLELO Hooniua Puuwai NO OLANDO KAAKA

Ka Opio Noho Waonahele K.A HIAPAIOLE O kA PU RA|FERA. Ka Puuwai Waipahe. :itona: Ka Umauma i Lalapa ia e ke Ahi o ta Wiwo Oie,.a o ka Ui Kaiii Puuwai. •* “Aohe ana mea e ae i kamailio mai ai ia oe?” i ninau hou mai ai ke kanaka meka leo oluolu, me ke ake paha e puui aku o OIando iaia. “Heaha auanei ia mea hou aku ana e kamailio mai ai ia’u?” "Aole, aole. Ua kuhi au la —ua kuhi au ua hoike mai la oia ia oe i kekahi mau kauoha i na luna aupuni ma Jamestown,” wahi a ke kanaka me ke auo maopopo ole iaia o kana mea e kamailio aku ai. Mamuli o ke ano kamailio a na kanaka, na hoomaopopo iho la o 01ando ua ike kela mau kanaka i ke ano o ka huakai a ka ilikini i hele mai ai e hoohalua iaia i ke ahiahi o ka la mamua iho, a mamuii o ia ike laua i hookolo mai ai, a ua moakaka loa mai la iaia he mau hana imihala keia a kekahi enemi e like hoi me ka Karona i hoike e mai ai iaia, aka ke ike nei nae oia i ka pololei e kela mau olelo a Karona, ke kanaka hahai holoholona malihini. la wa ua pane hou mai la kekahi o na mau kanaka ’la me ke ku no nae o kekahi o kona mau wawae maluna o ka hekupapau: “Malia paha ua oi loa no ka pono pela, oiai he mea hiki ole i ka mea make ke hoike i kekahi mea, aka, mai oi loa nae ka pono ina i holopono keia hana au me ka ike ole ia e kekahi mea/’ “Heaha iho la ke ano o kau mea i kamailio mai la?” wahi a Olanelo i mnau akn ai, m

ka pu'apuai ana mai o ka ula ohelohelo ma kona mau papalina. “Ina aole e hiki ia oe ke hoomaopopo mai, alaila he mea ■wamai ole no’u ka hoike ana aku ia mea.” la wa, ua huli ae la ua kanaka la, a hele aku la me ka ukali ana a kona kokoolua mahope ona. XJa manao ka opio e kahea hou aku i ua mau kanaka la, aka ua manao iho la no nae oia ua lawa iho la no kana mau mea i hoike aku ai ia laua, ina ua manaoio ole laua i kana mau mea i hoike aku ai, alaila me laua no ia. la wa ua haalele iho la oia i kela wahi a hoi aku la no kauhale. I kona hoea ana aku i ka hale, na halawai aku la oia me kona kahu hanai wahine paele e ku ana oia ma kahi o ka malapua, a ua hoomaopopo aku la no hoi oia i na kahoaka pihoihoi maluna o ka helehelena 0ka luahine. laia no a komo aku i ka puka pa, ua hooho koke mai la ka luahine paele me ka pihoihoi: “0, e kuu haku, nani wale ko’u hauoli i kou hoea ana mai la. Ua kuhi au ua hopu pio ia la oe e laua.” “Ua hopu pio ia au?” i ninau koke aku ai o 01ando me -ke ano kahaha o kona hiohiona. “0 na kanaka elua a’u i ike ai i keia kakahiaka,” wahi a ka luahine me ka nana pono ana ina helehelena o 01ando me he la ua pau kona pihoihoi oiai ua hoi mai la kana hanai me ka palekana. “Owai ia mau kanaka? A heaha ka laua mea i makemake ai?” “He manao wale no ko’u i hele mai laua nou, aole hoi au 1 ike owai la laua, oiai aole au i ike ia laua mamua.” “Ua ninau mai anei laua no’u?” “Ua lohe au ia laua e kamailio ana nou, oiai au ma kaha- ’ wai i keia kakahiakanui kahi o’u e auau ana, ua lohe akū la ‘au ia laua e kamailio ana ma kekahi wahi kokoke ike kahawai, aka aole nae laua i ike mai ia’u, a penei kalaua olelo: Uia no keia e hele la, oia io no, oiai aia ke hele la a komo iloko 6 ka ululaau. 0 keia kona hale e noho uei me kona makuahine pupuie. E loaa pono ana oia ia kaua.’ la wa ua haalele iho la laua i kela ♦

wahi a hele mai la me ka hookolo aua mahope o kou meheu. Nolaila, i kela wa ua hoi koke mai la au i kauhale nei me ka awiwi, a i kuu ike ana ua hele io oe ua piha loa ia au i ka makau.” “Aole au mea e hopohopo ai e kuu makua hanai. He oiaio, ua halawai io mai nei no au me ua mau kanaka la.” “Aole anei laua i makemake e hoopoino ia oe? ” “Aole, e huli wale ana no laua no kekahi Hikini, a ua manao paha laua ua ike au, a oia iho la ko 'iaua kumu i huli ae ai ia’u.” “Heaha la ka ko laua mea i kamailio ai no ke ki i ka pu ?” “Malia paha e kamailio ana laua no ka ilikini. Malia paha ua kuhihewa oe i ke ano maoli 0 ka laua mau mea i kamailio ai.” Aole i pane mai ka luahine no keia mau olelo a 01ando, oiai ua manao iho la no paha oia he poiolei na mea a ka opio 1 kamailio aku ai e like hoi me kona kamaaina mau i ke ano 0 kana hanai. He mea oiaio, aole o 01ando 1 hoopuka i kela mau olelo ma ke ano he makemake maoli nona e huna i ka mea oiaio, aka i hana oia pela i kumu e pihoihoi ole ai ka luahine, a i mea no hoi e hiki ole ai i kona Inaui makuahine ke lohe no keia mea ino. Hoko no nae o ia wa ua piha ko 01ando noonoo me na manao kupikipikio, oiai ua maopopo e wale mai la no iaia ka hopena e hoea mai ana, oia hoi, e imihala ia ana oia ma ke ano he mea pepehikanaka.