Nupepa Puka La Kuokoa, Volume I, Number 147, 9 October 1893 — He Palapala mai a Alekanedero mai. [ARTICLE]

He Palapala mai a Alekanedero mai.

Wasinetoūa, Sept. 20,1S9B. * * Eha la oko Spreckels noho ana maanei, a ano iho nei kona hoi ana aku la. Ua hoo : poino nui kana huakai i kona ' aoao iho. Ua ike maopopo au ’ aohe oia i halawai pu iki me ka Peresidena, aole no hoi me ke Kuhina nui. Eia no o Kakina laua o Olesona maanei. 0 E. C. Makapolena kekahi maanei no na la elua o kela hebedoma i hala e huli ana hoi ina paha e loaa kekahi ike no na mea e hanaia nui. Aohe mea nui e hiki ke hana ia maanei a pau keia paio hahana ana no ka hoopau loa ana ike kanawai dala keokeo a Seremana. 0 kela palapala i ka nupepa “'Herald,” he mea wahahee kapili wale ia, a ua maalea no nae ke kapilipili wale ia ana. Aohe e liuliu, a e hiki aku no o Willis ma Honolulu, a ma ia hope aku e nana nui aku na maka ilaila, no ka mea, oia no ke kikowaena ona hana i manao nui ia. Ua pomaikai nui au ika huli pono ana ina mea hou e pili ana i ka moolelo Hawaii. Ua loaa na mea hou i lawa no na kumumanao elua e heluhelu ai imua oka Ahahui Moolelo Hawaii. Me ke aloha, W. D. Alexandee, =====