Nupepa Puka La Kuokoa, Volume I, Number 145, 4 October 1893 — Ke Hailiili nei o Holomua ia Alapaki. [ARTICLE]

Ke Hailiili nei o Holomua ia Alapaki.

He nui na olelo ma ka Holomua o ka la 2 o Okatoba, e hoino wale ana ia Lunakanawai Alapaki Kauka, lie hoopilimeaai ika Moiwahine mamua, a i keia wa he kue iaia. 0 kana hana hoopilimeaai i olelo ia, oia no kona ao ana aku i ka Moiwahine i kona manawa i noho mua ae ai ma ka noho alii, oia ka hoopau i ka Aha Kuhina mua, a e koho 1 Aha Kuhina hou. Eia ka pane no kela mea: 0 Lunakanawai S. B. Dole kekahii kokua pu me ka Lunakanawai Kiekie ma kela raanao, i ka wa i hooholo ai ka Aha Kiekie pela. 0 Makale wale no ka lunakanawai kue. Ha ike lea nae na mea a pau aole he anee alii o Dole, aka he kanaka kuokoa loa. Eia no ke ano maopopo loa 0 ka Lunakanawai Kiekie, e like me kona makua o Kauka 1 make, he aloha mau i na alii a me ka nohoalii o Hawaii nei, pela no ke keiki, he makee loa e hoomau i ka hanohano a me ka maikai oke aupuni Moi. Aka, i ka la 14 o lanuaii, 1898, ua ike oia e like me ka ike o ka poe naauao a pau, ua hele ka Moiwahine a hehena loa ma kana mau hana. Kana iho no i hookahuli i koha noho alii, aohe mea nana e hoopakele ae. Nolaila, hookahi wale no mea i koe e pono ai o Hawaii, oia ka hana a ka poe aloha aina oiaio a pau e pono ai, o ka imi i ka malu malalo o na eheu o ka Aeto iokomaikai o Amerika Huipuia. Ma ia mau la no o Lunakanawai Alapaki Kauka i hoike lea ae ai i kona makemake i ka hoohuiaina, ka mea ana i hoole loa ai mamua. Ua mau no hoi kona hoike ana i kela manao me ka huna ole, no ka mea, he kanaka kupaa ia o ka manao. Ma ia mea e maopopo lea ai ka hele ino loa o ka aoao Moi i ka make, ma ka haalele ana a kona hoaaloha oiaio iaia, aole hiki ke hoomanawanui hou aku i kona mau hana kapulu a me ka pupule. He makamaka aloha loa o Alapaki Kauka no na kanaka Hawaii, he kanaka noeau no hoi, a ua maopopo iaia, o ka pomailiai o ka lahui Hawaii, aia no ma ka hoomalu aloha ia mai e kona makamaka ikaika a me ka lokomaikai oia o Amenka Huipuia. Aohe wahi mea iki i koe e hiki ai ke hilinai hou aku i ke aupum Moi. Ua hele kela a ua popopo.