Nupepa Puka La Kuokoa, Volume I, Number 138, 21 Kepakemapa 1893 — Na Hunahuna mea Hou o ka Poli Lauae o Makana. [ARTICLE]

Na Hunahuna mea Hou o ka Poli Lauae o Makana.

ilB. LūNAHOOPONOPONO: Aloha oe,* Ke lohelohe wale ia mai nei, 1 aia no o Koolau i Puukapele. Mai mua mai a hiki i keia mau la, aole e hiki i ka lio ke hele mai Kalalau mai a hiki i Haena, aka, i keia mau la, ua hoea mai o Kiaaina me aneane umi lio. I kona hele ana mai, he ku maoli no kai ka hoomanaonao ke nana aku i ka lio i ka nihi hele me he kao ia i ka pali, aka, ua palekana no nae ma keia hope aku, e ano alahele ana paha na pali nihoniho o Aumene. No na nune, ua hanau o Piilani wahihe a Koolau he olelo haku, elua mahina me ka hapa i hala ae, e nui ana no ka opu. He mau la keia a ka wela nui wale, ke hele la a oleha na maka o na kaikamahiae lalawai o ka lae hala o Naue, i ka ua mea o ka nopu o ke kula. Ua make o Kaui i ka la 31 0 ka mahina i hala, ke ole kou mea kakau e kuhihewa, i poino kela kanaka kupa oka aina ma o na lawelawe hemahema ana la a na lima o ke aupuni. Ua hele ia aku no e olelo no ka pupule, aka, i wahi e nui ole ai paha , o ka lakou hana, ua ae ia mai no ke noi a ka ohana e waiho no e hu-a-puaa, iloko o ka hale i kupee ia me he puaa puholo la. Ē like me ViV-'n i wnnano ai, pela no e emi pu wale iho ai kona kino a hiki i ka. amo wale ana mai no a na maka, aohe kamailio, a paa ka maka koe ka hanu, mau no nae na kaula 1 ka paa a hiki wale i ka haalele ana mai oka hanu. 0 kekahi kumu i poino ai paha, malalo no ia o kela ano hoomana. Ke nana i ka haihala ola ka mai. Aole i ike ia mai na maka o ko makou hope makai nui a hiki wale ika make ana. Ika nana aku a na trea a pau, ua oi aku kona pupule i ko ka hapanui o fco Kalaepohaku poe. Poli Lauae.