Nupepa Puka La Kuokoa, Volume I, Number 137, 20 Kepakemapa 1893 — HE MAU MOOLELO NO KE AU 0 KO KA REV. KEONI G. PAION [ARTICLE]

HE MAU MOOLELO NO KE AU 0 KO KA REV. KEONI G. PAION

Nono ana iwaena o ka Lahui Aikanaka o jstvl SEeberedlsa. Ua iiele mau oia ma na haiawai a me na wa kula me ka hoopalaleha ole, a iloko o ka wa pokole loa, ua hiki pono iaia ke heluhelu i ka olelo maikai o ka euanelio iaia iho. Ua akahele loa na lunakahiko o ka ekalesia i ke ao ana iaia, a mahope iho o na hoomakaukau pono ana, ua hookomo ia mai la oia ma ka papaaīna a ka haka. Na kuu hoahanau misionari mai Tanna mai i pabetizo iaia, a poloai hoi iaia iloko o ka puali hana a ka haku. I kuu wa i lohe ai i keia mau mea e pili ana no kekahi o na kanaka hoopaakiki loa ma ka’u ao paka ana iloko o na makahiki loihi, ua hoomau paleua ole aku ko’u uhane i ka haku ka mea hookahi nana e hoopakele i ka ahane. Ma ka’u huakai hope aku nei i Aniwa iloko o 1886, ua hoike pono loa ia mai ia’u ka ke Akua mau hana aloha ma Auiwa, a ike ai hoi au ia Nasi ka mea pepehi kanaka ua hlo i mea heluhelu i na olelo o ka Eaihala, a ua hiki hoi iaia ke hoike aku i kana mau olelo paipai i na kanaka me ka ikaika a me ke kupanaha iaia e heluhelu aku ai i na olelo mailoko ae o ka Baibala. I kuu hoea hou ana aku ma Aniwa mahope mai o ka’u huakai kaapuniia Beritania Uui ma ka hana e pili ana i ko makou misiona, mehela.ua akoakoa ae na makaainana a pau o Aniwa ma ke awa e pae aku ai no ka pahola ana mai i ko lakou aloha ia’u, koe wale no nae o Nasi. Oiai, ua hele oia i ka lawaia ma kekahi wahi kaawale e aku, aka, ua hoouna ia aku no nae kekahi mea, eia nae, aole i hoea mai iloko

o kela wa. Oiai, ma ke alahele e hoea aku ai i ka hale misiona, ua holo awiwi mai la oia e halawai pu me a’u. Ua puili mai la oia i ko’u mau lima, a honi pu iho la, a hoomaka iho la kona mau waimaka e hiolo ma kona mau papalina. la wa, ua pane aku la au: “E Hasi, he oiaio anei ke halawai nei au me oe ma ke ano he karistiano?” Ua pane mai la oia me ka pumehana. “Ae, e Misa, ke haipule nei au a ke hana nei no ka haku hookahi a hoola īesu karisto. E hoomaikai ia ke Akua, he karistiano au i keia wa.” Ka Hopena.