Nupepa Puka La Kuokoa, Volume I, Number 125, 30 ʻAukake 1893 — He ulia poino ma Kahuku. [ARTICLE]
He ulia poino ma Kahuku.
. He mau la aenei ka eli ia ana o kekahi luawai ma Kahuku, Oahu nei, e na paahana lapana o ka mahiko, a ua hiki aku i ke kanaha kapuai ka hohonu, oiai nae ke anawaena o ka lua he umikumamaha wale no kapuai. I ke kakahiaka o ka Poalua nei, Augate 29, ia lakou e eli hou ana, aia hoi me ka lohe ole ia oiai lakou ilalo oka lua, ua hanee mai la ka lua a paa pu iho la kela poe lapana eha ka nui ilalo oka lua. L r a eli awiwi ia aku me ka manao e pakele, aka ua loaa aku lakou a pau ua make. Ua kauoha koke ia ka Hope Makai Nui Kauaihilo o Koolauloa, a oia ka mea e lawelawe la no ka malama ana i aha koronelo no kela poe kino make.