Nupepa Puka La Kuokoa, Volume I, Number 118, 17 August 1893 — He Keiki Hawaii Imi Naauao i ko na Aina e. [ARTICLE]
He Keiki Hawaii Imi Naauao i ko na Aina e.
Ma ka huli hoi ana aku nei a ka Australia i ke awakea Poakolu nei, Augate 16, o J. K. Waiamau kekahi, keikikane elua a Eev. J. Waiamau. Ua puka pono mai oia mai ke kula mai o Kamehameha. He kaha kii kana hana maamaalea loa, a o kana hana no ia i noho iho nei e hana no na makahiki elua a ekolu paha i hala ae nei, a no kona iini nui e loaa iaia ka ike 101 ae mamua oka mea i loaa iaia, nolaila, ua haalele mai la oia i kona mau makua, kona hanau mua, a me kona mau pokii, a au aku la i ke kai loa no ka Ipuka Gula o Kaleponi. A ina e holopono ana kana hana i holo aku la, alaila, e hookamaaina aku ana oia a hala he manawa loihi. Imua e ka Hawaii opio imi naauao, a na ke Akua e kokua ia oe ma ka aina malihini a ike hou i ke one oiwi.