Nupepa Puka La Kuokoa, Volume I, Number 114, 10 August 1893 — KA KANINA HOOLE. [ARTICLE]

KA KANINA HOOLE.

Kikako, lulai 27.—0 L. A. Kakinā ko Hawaii Kuhina noho ma Wasinetona, a e noho nei hoi ma Kikako i keia wa no na hana hooikeike Hawaii, a maka pane ana i kekahi mea i hoakaka ia ke ano nawaliwali, a ke ano make mai nei ke ohohia ia o na manao hoohui aina ma na pae aina, a pela pu no hoi, ua ane pauaho loa na manao o na alakai o ke Aupuni Kuikawa me ia pu hoi kekahi, a ua make loa na manaolana no ka hoohui aina, a ke ulu ikaika loa ’la hol ka manao ohohia no ka hoihoi hou ae i, ka Moiwahine i hoopau ia. Eiā kana hoakaka: “Aole loa he oiaio o keia mau olelo, no ka mea e pili ana i ka mauliawa o ka manao hoohui aina, he oi loa kona ikaika a me ke ohohia i keia wa ano mamua o ka wa i hala, aole loa au e kamailio ana i keia mea ma ke ano koho wale ana, aka ke loaa mau mai nei ia’u na nupepa Hawaii i na wa _a pau, a me ke kakau leta pu ana mai kekahi me Peresidena Dole, Loio Kuhina Smith a me kekahi poe e. ae o na alakai o ke Aupuni Kuikawa. Ua loaa pu mai no hoi he lehulehu wale o na palapalamai kekahi mai o na kanaka Hawaii koikoi o ka aina. 0 ka’u palapala, a lono hope loa mai Hawaii mai oia no ko ka la 7 o lulai. He ka oo lehulehu wale o na Hawaii e hele mai nei e ike ia’u ma ke kahua o ko Hawaii, nolaila ua maopopo loa ia’u ke kulana olaila me he la aia no au i ko’u one oiwi.” “Aole loa au i ike a lohe paha i kekahi hiohiona o ka nawaliwali. Ma kekahi aoao hoi, oiai iloko o na hooikaika ana a jpau a Hordolf a me Spreckels e hoopoino i ke aupuni a e hoalala hoi i na manao kue, aka o ka hopena wale no nae i loaa mai, ua hookupaa loa la na poe hoohui aina, a ua hoala pu ia hoi na manao'kakoo ike aupuni e na poe lawelawe kalepa a pau o ka aina,”