Nupepa Puka La Kuokoa, Volume I, Number 113, 9 August 1893 — Na Luina Hawaii ma ka Aina E. [ARTICLE]

Na Luina Hawaii ma ka Aina E.

Ua pae aku i Sana Diego Kaleponi i kekahi wa i hala aku' nei, ka mokuahi aila gasoline “Jennie Griffin," a mawaenao kona mau luina, he eha mau kanaka Hawaii i loaa a kepa ia ma Kapalakiko maluna o keia mokuahi ae la no ka holo e lawaia ula ika mokupuni Sana Nikolasa. Mamuli o ka piha i ke one o kahi oloko o ka moku i hoopihia ia i ke kai i wahi no ka ula e ola ai, ua pau na ula i ka make a ua haalele loa ke kapena no ka waiwai ole o kela huakai lawaia. Ua hookuu ia na luina moku i kepa_ ia me kahi dala ole e ola iho ai. Ua hanu aku ke Kanikela Hawaii ma Sana .Diego oia o Kimo Girvin ika huli hana, a ua loaa no, aka aohe nae he hana mau. Mahope iho, ua loaa i ke Kanikela he manawa maikai e kepa ai ia ekolu o lakou e holo i Keomolewa a malaila mai e hoi ai i ’ Hawaii nei. Eia na inoa ona keiki Hawaii ake Kanikela i hoouna aku ai i Keomolewa, o John H. Lindsay o Waimea, Hawaii; Umi Makekau o Lahainaa me Tome Hakauila o Wailuku, Maui. 0 ke keiki iho i koe aku ma Sana Diego, o John Ahia o Kona, Hawaii.