Nupepa Puka La Kuokoa, Volume I, Number 108, 1 August 1893 — Ka Waeaolelo Pakipika. [ARTICLE]

Ka Waeaolelo Pakipika.

Ua loaa mai nei i ke Keena o na Aina E o ke Aupuni Kuikawa he palapala mai Brishane mai Auseteralia, e hoakaka ana i ka hana a kekahi aha kuka nui no na pono Hali Leta a me na pono Telegarapa, no na Panalaau a pau i hele mai ai na elele e kuka pu. Ma ua palapala la i hoike ia mai ai kekahi olelo hooholo ano nui o ia aha, penei: “Ma ka manao o keia aha kuka, ua hiki mai ka wa kupono e loaa ai ia Ausetaralia ka lua o kona mau laina waeaolelo moana, e hoomoeia malalo o ka moana Pakipika a hiki i Vancouver, a e kipa ana raa na wahi kupono ma kona ala e hoomoe ia- aku ai mahope ke aelikeia.” Ma ka olelo hoohoio maiuna e akahai ka hooikaika hou ana 0 na panalaau Beritauia ma Ausetaralia e hoolawa hou aku ai iko lakou launa waeaolelo ana me Enelani a me Europa. 1 keia wa, hookahi wale no uwea malalo ona moana. Ma ka moana Iniana mai kela uwea, ma Inia eme ke Kai Ula. Ma ia waea hookahi waie no e kamailio ai me na makamaka, e hooponopono ai i na hana kalepa, a lohe ai i na nuhou i kela a me keia la. Aohe i lawa ia waea hookahi no ke au naauao.

Nolaila, ke kikoo aku nei lakou e hoomoe hou ma ka moana Pakipika. 0 Hawaii no kekahi o na wahi hoomaha e kipa ai kela waea. Ko ka mea, 0 ka paemoku kokoke loa keia 1 ka aina puni ole o Amerika. He hana lilo nui loa keia, aole e emi malalo o ka umi miliona na dala. Kolaila, e hakalia iki ana pahaka.hana. He ikaika loa nae o Beritania i ke kokua i kona mau panalaau ma na hana e launa mau ai, e like me na laina mokuahi a me na waeaolelo. Aole paha e nui na makahiki i koe, a e paa kela waea loihi i ka hoomoeia. 0 ko makou manao nae mamua e hoomoe ia ana la ka waeaolelo ma Kaliponia mai ē ke aupuni o Amerika Huipuia me na dala oke aupuni. Ua pau i ka huli pono ia ke ala e hoomoe ai; aia mai Monterly a hiki i Waialua ma Oahu. He eiua miliona a ine ka hapalua na dala e paa ai. Alaila, e hiki ana i kela aupuni ke kauoha hikiwawe i na mokukaua ma Honolulu ma na mea e pono ai. 1 ka nana ana, ke hookokoke mai nei ka manawa e hoolauua ia ai o Honolulu me na aina eae o ka honua a e kamailio pu me lakou i kela la i keia la.