Nupepa Puka La Kuokoa, Volume I, Number 106, 27 July 1893 — Hoopiita ka Poe Anee Alii Makana Kookoo. [ARTICLE]

Hoopiita ka Poe Anee Alii Makana Kookoo.

Ua hoike aku makou inehinei, ua waiho ke Kuhina Ameriba i kana palapala hoopii imua o ka Peresidena Dole, no kona hana ino ia mai ma ke kaha ana i kona inoa maluna ; o ke kookoo i haawiia ia Spreckels me kona ae ole. Mamnli o kela hoopii ana, : ua hoouna aku ke keena oko ; na Aina E i palapala ia Charles Creighton ka mea nana i haawi ike kookoo, e koi ana iaia e hoike mai i ke kumu o ke kaha ana i ko Blount inoa, a e koi pu ana no hoi iaia e mihi haahaa akn i ke kuhina ana i hana ino aku ai. Ua hoike mai ka nupepa Awalataisa i kona lohe maopopo, ua loaa ia Dole ka Creighton palapala pane ma ka hora 4 ahiahi Poakolu, a ua hui koke ka aha e uoonoo i ua palapala la. Ua lokahi ko lakou manao aohe i lawa ko Creighton wehewehe a me kona mihi ana. Nolaila, ua hooleia ka Creighton palapala 'aole i kupono. Aole i hoomaopopo ia ka hana i koe. Ua lohe ia e kuka mua aua ka Peresidena me Mr. Blount, alaila, e hooholoia ka hana kupono hope. Ua loheia, he ekolu poeanee alii i huipu me Creighton ma kela hana. 0 kekahi poe koikoi ma kela aoao, mahope o ko lakou lohe ana, ua hoahewa loa i kela hana lapuwale, e kapulu ai i ka inoa hanohano o ke Kuhiua Amerika.