Nupepa Puka La Kuokoa, Volume I, Number 84, 19 June 1893 — Ka Holomua Hoko o Kana Mau Hana Hoopunipuni. [ARTICLE]

Ka Holomua Hoko o Kana Mau Hana Hoopunipuni.

Ma kā Holomua o ka Poalima nei, lune 16, na oili mai ua ■waM nupepa nei me na huaolelo haikaika i ku ole i ke ano kalaiaina naauao, ma ke ano hoohenehene. TJa nele maoli no keia pepa ina manao naauao e alakai ai i keia hanauna hou, ma ia ano ke hoomaka mai nei oia e hailiili ina huaolelo i oi aku ka pelapela mamua ona meamaea hauna i kiloiia ma na lua hooleina moka. Ke manao nei paha ka Holomua, no ka hoohui ainaia hoolewa hope loa ana i hoonohonoho mai nei. 0ka makou mea i ike, nona no ia huakai hoolewa a me kona auna o ia poai hookahi. Ua kuhihewa o Hamana no Molekekai ka amana ana i hana ai. eia ka * auanei nona no ia amana, pela no ka Holomua e hana mai nei i huakai hope loa no ka hoihoi ana ae ika moiwaMne ana i ka nohoahi. - He hoike aua mai keia i ka nele o ka Holomua i ka noonoo ole, a i ke kahua ole e ku ai maluna o kona mau manao ponoi, nolaila, haku iho oia i | na manao hākuepa wale e hooj punipuni mau ai i ka lahui e j like me kona maa i na wa i ! hala aku nei. Ina nele makou ji ka hoohuiaina e like me ka i makou hoike ana aku imua o ka lahui, alaila, ua kukulu makou i ko makou kahuaa paa, a maluha oia kahua i ku ai ko makou aupuui, aohe makani “kona” nana e hoonaue. Nolaila, e hamau ka leo o na makika liilii a me na kanapi waba kakani.