Nupepa Puka La Kuokoa, Volume I, Number 55, 26 April 1893 — Kiekie o Maui ua Kaulana, Maikai na Hono a Piilani. [ARTICLE]

Kiekie o Maui ua Kaulana, Maikai na Hono a Piilani.

i 0 Maui, oia ka mokupuni \ pookela loa o ke kaulana, iloko o ka paeaina o Hawaii nei, ma na hana ano nui, kona j mau kanaka naauao a kaulana, a me kekahi mau meakaulana e ae. Ina kakou e hoomaopopo mai ka manawa i hoea mai ai ka euanelio a ke Akua, a poha mai kona mau kukuna olinolino malunao na papalina aloha o Hawaii nei, e ike no auanei kakou a pau i ke kulana oi kelakela a pookela o keia mokupuni o Maui, i loaa ole aku hoi i ka moolelo o kekahi mau mokupuni. Ē pono no ia’u e hoakaka "aku ia oukou i na mea a’u i hoomanao ai ua kiekie o Maui ua kaulana, ua maikai hoi na hono a Piilani. 1 Aia ma Lahaina ke kulanakauhale mua o Hawaii nei a malaila ka home o na alii o kakou i aui aku nei, a malaila no hoi i hana mua loa ai na kanawai. 2 Aia no malaila kahi i lawe lawe mua loa ia ai ka oihaua ai palapala ma Hawaii nei. 8 Ma Lahaina no i hookumu mua loa ia ai ka oihana hoonaauao ma Hawaii nei, oia hoi ke kula nui o Lahainaluna kahi i hoonaauao kiekie loa ia ai kekahi mau Hawaii oiaio, ka ipukukui pio ole hoi i ka makanl kauaula kuu home hoi i aloha nui ai. 4 Ma Wailuku i kukulu mua loa ia ai ka hale hoonaauao i na mea e pili ana i ka uhane e ka makua Alekanedero [Alexander] oia hoi ke kula kahunapule. 5 Ma Wailuku no i hanauia ai ke kenerala mua loa o Hawaii nei, oia hoi o Kenerala Limaikaika, (Gen. Amstrong) kekahi o ua loea kaulana i ke kaua huliamahi o ka akau a me ka hema i ke au o ka Peresidena o Aberahama Linekona. 6 Ma Kahului ke alahao mua loa o Hawaii nei. 7 Mawaena o Wailuku a me Lahaiua ka uwea telepone mua loa o Hawaii nei. S Aia no ma ke Kulaokamaomao ka hale wiliko nui loa o ke ao nei, aia ma Aigupiia ka helu elua o na hale wili. 9 Aia no ma keia mokupuni ' ekolu mau ona miliona, James

Campbell o ka ua Paupili, Claus Sprec_kels o ke Kuiaokamaomao, lion. H. P. Baklv»'in o ka ua Ulalena o Piiholo. 10 Ko Ulupalakua a mc Lahaina na keiki Kawaii mua loa i mare me na wahine haole, oia iho keia mau inoa,_R. W. Wilcox ame ke keiki a Makalua. 11 Ko Lahaina ke keiki Hawaii mua loa i loaa ka palapala piha mai kana mau kumu mai ma Ladana e lawelavre i kaoihana kauka, MataioMakalua. 12 Ko Maui no ke keiki mua loa nana i hoala ike kaua kuloko mua loa ma Hawaii nei, ma ka M. H. 18S9. 13 Ma Maui no ke kula kaikamahine mua loa ma Wailuku. 14 0 ko Maui mau lunakanawai, mai ka lunakanawai kaapuni ana lunakawai hoomalu, apana, he mau kanaka Hawaii oiaio maoli. 15 No Maui no ka Loio lana loa oia o J. W. H. Kauahi. Oia ke pookela loa o na hana i loaa i na keiki o Maui. 0 ka awaiaulu aku ia Hawaii nei ma ka berita maemae o ka mare me ka Uniona o Amerika Huipuia, he mea hoi i loaa ole i na keiki o na mokununi e ae. John U. Iosepa.