Nupepa Puka La Kuokoa, Volume I, Number 42, 4 ʻApelila 1893 — Untitled [ARTICLE]

Niniu ka mikini oki poo e na hooponopono aupuni o keia mau la, ke oki pu ia mai nei na poo o na mano liiliii o ke Aupuni o Kaahupahau. "Mihi paha auanei la i ka hune e na pokii," wahi a Kawelo. He He hoike ana mai ia i ke onipaa o keia Aupuni Hou. Ua akoakoa ae na kanaka ma ka Hale Aupuni ma ka la inehinei, no ka hoihoi hou ae i ka Moi maluna o ka nohoalii, oia na lohe a puni keia kulanakauhale, a i ka hiki ana nae i ka hora 10 a.m., oia ka manawa i manaoia ai, aole nae he mea i hana ia ua poho wale ka manaolana o kekahi poe. Mai puni wale ka lahui i ke alakai hoopunipuni a kekahi poe. Ma ke Sabati nei i hala i hele aku ai ke Komisina Amerika J. H. Blount i ka pule ma ka luakini hou o na haole, a na kanaka e puana nei i kona inoa o Kaukeano, a o kana wahine kai hoalu iki iho a pau ka papa ahaaina a ka Haku. Ma ke ahiahi ana iho, ua naue like aku la laua no ka pule ma ka luakini Bihopa. O ka makou e kalokalo ae nei i na Mana Lani, e kokua mai ke Akua i ka hana a ke Komisina imi pomaikai o Hawaii nei. Aole makou i Amelika, aka, he imi loaa na oukou, a i na e loaa mai ana ia pomaikai aole maluna wale o makou, aka, maluna iho o oukou kekahi, a heaha la auanei ka oukou e pane mai ai ia wa? _ Aole makou e ae wale aku i ke alakai lalau a na alii a malimali aku hoi i na hana e alakai hewa ana i ka lahui iloko o ka poino, ua aa makou e ku iluna a pale elike me Sadereka, Mesaka a me Abedenego. Aole o ka ae wale aku i kekahi Moi a mau Moi paha e alakai ana i ka lahui i ka nihinihi o ka pali, a e hookokono mai e lele like aku ika pali i hookahi ka haihai like ana o na a-u, oiai nae makou e ike pono ana he hana hewa ia. Aole loa makou e ae e kulou aku malalo ona alii ma ia ano. O ka mea a ke alii e alakai ai i kona lahui ma ka pono i mea e pomaikai ai ka lahui, a i hoole makou ilaila pili pono ia olelo ia makou. Aka, ua hoopaakiki ke alii i na. ao ana a ka poe maikai iloko o keia kulanakauhale, a hui pu me na makaainana ao lalau e hoopoino ai i keia lahui, pili pono kela olelo ma 1 Samuela, 12:25. Aka, i hana hewa mau oukou e hoopauia auanei oukou a me ko oukou alii.