Nupepa Puka La Kuokoa, Volume I, Number 38, 28 March 1893 — HE MAU MOOLELO NO KE AU O KO KA REV. KEONI G. PATON [ARTICLE]

HE MAU MOOLELO NO KE AU O KO KA REV. KEONI G. PATON

I Noho ana iwaena o ka Lahui Aikanaka q JSEu Eie‘b©r , ecaisa. ‘‘E Misa. p keia no ka pohaku kupua ako makou poe kupuua e alana ai i na mohai kinokanaka. Makeiamaupukapuka liilii nei la, o kahi ia ehoolana ai o ke koko a hiki i fca wa e pau ai i ka inu ia e na uhane haukae. He ai ka uhane o keia pohaku .i na kane a me na wahine me ka inu ana i ko lakoū koko, e like hpi me .ke ao a ko makou mau kupuna ia makou. 0 ka makou ia e weliweli nei.” Ua hoopiha loa ia au ika hauoli mamuli oke kipa ana mai o kekahi moku okohola Amerika “Gamden Packet” Kapena Allan, he poe karistiano oiaio kona malamamoku ame na luina. Ua aneane hoi e piha ka moku me ka aila Pamuela. He ake nui loa oia e kokua mai ia’u. Ua kana kamana hoi i pahonohono hou ae i kuu wahi waapa, oiai ua loohia me kekahi naha inoino loa mamuli oka ili ana i kua-pa akoakoa. Ua loaa ia’u ka hauoli nui me ka oluolu ika hai ana ika olelo a ke Akua me ka haipule pu ana maluna o ka moku. Ma ia hope mai, ua hoopoluluhi hou mai la no na hoopoino e hekau mau iho ana ma na eheu o, ka pouli a puni hoi ' au iwaeua o keia aina makamaka ole, hookahi no makamakao ke Akua. Ma kekahi la, oiai au e hoomakili mau ana me ka nanea i ka hana ma ko’u hale, aia hoi, ua hoopuni koke ia ae la ko’u wahi e kekahi kaukaualii kaua me na kanaka i lako me na mea kaua. Ua kaulona pololei mai la na kanaka i ka lakou mau pu kaupoohiwi i kuu poo. la wa, pouli pu ae la. kuu mau maka, ahe wa pokole hoi, ua hoi hou mai la ka ike, a mea pouli iho ana, a mao ae-ana; a I

pela wale iho la no ko’u ano e ana ia wa. Haliu ae la au i kuu Hoola Hui kuu Haku ia Iesu. Ua hoao aku la hoi au e hoomau aku no i ka’u hana ana, me ka hoomaopopo ole ae, me he la aohe kekahi ano kupilikii i hoea mai i o’u la. 0 ka hopena o keia mau ouli a pau a’u e ike" nei, uakaohi mai la ke Akua ia lakou, a haalēle mai la lakou ia’u a huli hoi aku la. Aka ma kekahi mau la mai ua hele au ma o maanei me ka makaala loa. Mamuli o na hana maikai a kuu hoa makamaka oiaio jSTowar, ua maliu nui mai la na kanaka o kahakai a me kekahi poe he nui wale o na apana kua aku, e noho ana m’e he la, ma kahi o ewalu a umi paha mile mai kai aku, malalo hoi o kana kauoha e hapai ia he ahaaina nui no ka hanohano o ka hoomana o Iehova. Oia paha ke anaina kanaka nui loa i akoakoa ae a ko’u mau maka i ike ai ma ia mau mokupuni. He umikumamaha poe kaukaualii i ku ae a haiolelo. Ua hoike ae la, be mea pono e hoopau loa ia na hakoko me na kaua ana maluna o Tanna, aole hoi e pepehi hou ia kekahi kanaka e ‘mahak”, no na hana hoomanamana, a he hoopunipuni hoi na hana hoomanakii, a aole hoi e hiliuai hou ia aku he mea hiki i na kahuna ke hana i ka makani a me ka ua, ka wi, ke kauai, na mai ahulau a me na make,—a e hoopau loa ia hoi na kamailio pegana pouli o Tanna, a e apo like hoi na poe a pau i akoakoa mai i ka aoao hoomana o Iehova e like me ka mea i ao ia mai e ka misionari a me na kumu mai Aneteuma mai, a e poloai hou ia na poe hanauna a pau i kipākuia e hoi mai a e noho maluna o ko lakou mau aina me ka maluhia. . Aole loa i hoopuka iki ia ae kekahi mau leo kue i keia mau haiolelo kupanaha. Aohe kanaiua ana, ua manaoio maoli keia poe kanaka. A ina i loaa he mea hookahi iwaen'a o lakou i hiki ke alakai pono ia lakou, ina la o ka hoomaka hou no ia he au hou o ko lakou noho ana. Aka, ua like nae ko lakou kupaa me he wai la. He poe ake kamailio lakou, aka he uuku wale no ka io. He ahua nni o na mea ai ai i hoomakaukau ia no ka ahaaina, o kā puaa me ka moa no nae ka hapanui. Ua hoahu ia he puu nui o na mea ai no kela a me keia mahele lahui hanauna o ka poe i hild mai. He mahele maikai a nui kupono i hookaawale ia no ka misionari a me kana poe kumu. Ua haiolelo mai la hoi o Nowara a me Hewagi ma ke ano he mau .alakai imua o makou, a na’u hoi i panai aku ma ke kamailio ana akuimua o ke anainaholookoa, me ke koi ikaika aku e paa lakou a paa ikameaa lakon i hooia mai ai, a e hoohua ia mai no he mau hua ohaha maikai loa no lakou iho a me ka lakou poe pulapula aku. la wa, ua waiho iho la au ilalo he puolo o na lole kalakoa keokeo me na kahakaha

ulaula, ame ka heluna hui o na makau lawaia, pahi, a pela aku, a nonoi aku la au ina kaukaualii e mahelehele aku i ko’u lokomaikai iwaena o na hanauna like ole i akoakoa mai. Mahope iho, ua hoomaka ia 1 na hula ano pegaua, me ka pakui ana mai hoi ona pena i kapalapala ia, ua hulu a me na mea hookani, ua hoonui loa ia ae ko lakou mau hiohiona ahiu. 0na kane ua akoakoa ko lakou hula aua ma kekahi poai iwaenakonu, a o na wahine hoi ma kekahi poai mawaho ae, me ka mamao nae o kekahi a me kekahi. Ua hoolawa ia hoi na mea kani mamuli o na mele ana ame ke pa’ipa’i ana ona lima. 0ka maluhia, ua malama ia me ka maikai, a o ka nanaina ona kino he keu a ka pupuka a ku ika hoomaka’uka’u. Aka, ,aole hae e hiki ia’u ke hoohalike ae i ka hula ana me kekahi mea nani a ka maka ke aku a me kekahi hoike maikai ana paha. Mahope iho o ka hula ana, ua hoi aku la na poe a pau no ka ululaau, a ma ia hope mai, ua hoomaka ia ae la he mau hakaka hookuku wale no. Ma ia hope iho hoi, ua kokua mai la na kane i ua wahine ma ka hoopiha ana ina ie'mena koena mea ai, no ka lawe ana aku iko lakou mau kauhale a malaila e hoonuu ai a pau, no ka mea, aole he koho pu o na hanauna like ole ma ka papaaina hookahi e like me ko kakou ano, la wa, ua wehe ae -Ja lakou mai ko lakou maia kino ae- i na aahu hula ano kupaianaha o lakou, me na palnle mauu i wiliia a ■puni ke kino, na palule lau laau, napa-u, napalealo mauu alau laau paha; ua haawi a kuapo aku lakou i keia mau ' mea ia hai, a pela pu hoi me na mea hoonani, na kakaka a me na pua pana, mawaho ae hoi o keia oia na lole kalakoa me na lole ulalii. 0 keia mau hana a pau ua nana ia ma ke ano he mau hana na ka poe aloha. Aka, e holoi koke ia no nae keia mau hana aloha o keia la e na moali koko e kahe ; ana ame na leo hailiili o ka inaina, C Aole ipau .)