Nupepa Puka La Kuokoa, Volume I, Number 34, 21 March 1893 — Na Anoai Hoonanea [ARTICLE]
Na Anoai Hoonanea
Ua wanana ae o Kekiopilo, no Ewa, Oahu, “He haole na kanaka nana e noho mai keia Pae Aina.” “I nui ke aho e kuu keiki a pa i ke kai, no ke kai ka hoi ua aina,” wahi a Kaopulupulu o Waimea, Oahu, ka makaula. Eia ka Hewahewa olelo ia Kamehameha, “E kukulu oe ia Puukohala, a e hoohuli ka puka i Kahiki a na Kahiki no e komo i Hawaii nei, a e nui ana na pomaikai maluna o ko aina.” Ua wanana ae o Kapihe penei: “E hui ana na moku a pau, o luna a me ko lalo nei, e pii aku ana ko lalo nei a e iho mai ana ko luna.” ua wanana ae o Noa, “E hoomahuahua ana ke Akua ia Iapeta, a o na halelewa o Sema kona wahi noho, a o Kanaana kana kauwa.” Ua oleloia ka luau he i’a iwi ole, oia ka i'a i hanai ia ai o Kamehameha a nui. Pela paha, wahi Iaka; ina e hapa moa ka luau, ku ka lehelehe i ka iwi (maneo).