Nupepa Puka La Kuokoa, Volume I, Number 25, 6 March 1893 — 0 HAWAII NO NA HAWAII. [ARTICLE]

0 HAWAII NO NA HAWAII.

He pololei anei keia olelo ? Nui no na akena i loheia o keia hooho ana. “0 Hawaii no na Hawaii." Ha lilo hoi keia leo i kumu e hooulu ai i. ka lili a me ka inaina, no ke komo nui mai-o na haole ma Hawaii nei. e hooulu ai i ka waiwai a nui. Nolaila, ke ala mai nei kekahi poe alakai hewa me ka manao lokoino. Ua ao aku kela poe hewa i na kanaka, “ua pakaha wale na haole i ka aina a me ke aupuni o ka poe

Hawaii nona ponoi o Hawaii nei." Pehea. he oiaio anei keia manao, o na mea a pau o keia paeaina o Hawaii, no kanaka maoli wale uo ia ? Ua haawi lilo loa anei ke Akua ia Hawaii nei. no ka poe Hawaii wale no, a hiki ika hopena o ke ao nei ? Aole pela ka oiaio, iko makou manao. Ua haawi mai ke Akua i na aina a pau o ke ao nei, no ka pono a me ka pomaikai o na lahui a pau. He ponoi na kauaka o kela lahui a rae keia lahui e noho oluolu pu. aole e lili, aole e keakea kekahi i kekahi. He kuleana nono i no ko na haole e komo mai ma Hawaii nei, a e imi pu i ka pomaikai me na kanaka maoli o ka aina. - Aka ke pane mai nei ka Hawaii, “Ua hele mai ua poe haole nei, a me ko lakou hana maalea, ua liio ka hapa nui o na aina a pau i ua poe haole la, a nele na kanaka Hawaii, he uuku ka aiua i koe ia lakou. Kolaila he pakaha wale ka hana ona haole." Aole pela, wahi a makou, no ka mea, ua mahuahua pu ka pomaikai o ua Hawaii. Ika ulu ana oka waiwai o na haole, ua ulu pu no hoi ka waiwai o ua Hawaii. I ko makou manao, ua waiho ke Akua i keia pae moku nani o Hawaii nei na na Hawaii e malama, rae he poe kahu la, a hiki ike au o ka manawa i keia keneturi umikumamaiwa, a pae mai na kanaka uoeau o na aina e, nana e hoolilo i keia aina i nani ame ka hanohano. Ana na manao o ua poe kahiko la, e noho pu a e lawelawe pu me ka poe hou mai mawaena o ia pomaikai a pau. Mal noho lili a huwahuwa ka poe kahiko, no ka holo imua o ka poe hou. Mai imi e pale aku, mai kue-e, aka e noho oluolu pu, Ua lawa ka waiwai ame ke kuonoono no kakou a pau. Mai hoolohe aku i na leo kue-e, a me ka hooulu inaina.