Nupepa Puka La Kuokoa, Volume I, Number 17, 20 February 1893 — Nawai e Hoomalu mai? [ARTICLE]

Nawai e Hoomalu mai?

Ma 3ra nana ana, na paa ka noho : kuikahī ana o na ano kanaka he lehulehu ma Hawaii nei, malalo o ke kumakanawai. TJa helelei kela pono kahiko. Nolaila e huli kakou e nana mahea la e malohia hou ai, a pakele i ka haunaele a me ka paio lewa ana. Ua maopopo, aole loa e hiki i na kanaka e noho pu ana ma keia aina e hooponopono īa lakou Iho i maluhia ai, a e oluolu ai ka noho ana. He lehulehu na ano, he poe Hawaii, he poe haole ili keokeo, he pake, he lapana a pela aku, aole iakou e lokahi ana. Nolaila na kekahi aupuni ikaika a me ka lokomaikai e hoomalu mal, a e kokua mai e hooponopono i ko kakou mau pilikia. O ka olelo haole o Hawaii, oia no ka olelo Enelani. Nolaila o kekahi aupuni olelo Euelani ka mea e pono ai. Aole e pono ia Beritania. ~ / Akahi. Me ka llma ikaika ko Beritanīa.hoomaIu ana. Ma Inīa, he 200,000,000 kanaka ili olaula a eleele, aole hoī he wahī leo īki o lakou ma na hana aupunl, aīa i na haole wale no ka mana. Alaa. He mamao aku o Beritania a he kokoke mai o Amerika. Aole loa e ae ana o Amerika, na kekahi aupuni e ae e lawelawe a e hoomalu ma keiapae moku kokoke loa i kona kae moana ma Kapalakiko. O Amerika Huipuia wale no ke aupuni ī hiki iaia kela hana kokua a hoonaalu. No Amerika mai ka hapa nuī o na haole e noho neī maanei. No lakou no hoi na hapakolu elua o ka waiwai a pau ma Hawaii nei. No Amerika mai no hoi na kula, na ekalesxa, na ano kanawai. O na ano kuonoono o Hawaii nei, he mau ano Ameiika no. O ke Aupuni o Amerlka Huipula, oia no ko Hawaīi nei makamaka nui, nana ī hoopomaikai mau mai īa kakou. Nolaīla, iaia no e huli ai kakou a pau, a e nana aku ai, naha no e hoomalu mai*a pau ko kakou noho hopohopo ana.