Nupepa Puka La Kuokoa, Volume I, Number 6, 31 Ianuali 1893 — NA LETA [ARTICLE]

NA LETA

[Aole o makou makemake e lawe i ke koiko o na hala nona manao i hoopuka ia malalo o keia poo e ko makou poe mea kakau.] Hoehaa ke kapulu i kaiheeia e na. Luna Aupuni o Waianae O ka pono ke hana ia a haule mai na lani. Aka hoi, ke ninau nei ka lehulehu, e hana ana anei hoi ke aupuni me ka hooko ana mai ma kona aoao. Mamuli o keia mau helehelena i ike akea ia i na wa i hala ae nei, a me ko keia wa ano, no ka hiki ole i na oihana a pau ke lawelawe naauao ia e keia mau luna aupuni malalo o ke kulana hoopono a kuokoa a me ke kaulike, a me na alakai ana a kona mau kuhikuhi kanawai ponoi iho, a pela no hoi me ka hooko ana i ka mana nui o ke kanawai iloko o ke kulana laula a me ke kaulike, maluna o na hana haihai kanawai e nakii paa nei iloko o ka apana i hele na kui a lena, nolaila, ua kokolo mai ke anoano aloha mamina, a nopu hulili ae la hoi iloko o ke kulana lai papuhea, ka welina paumako a me ke kaumaha luuluu no Jno. P. Kama i hala, ka makua koo luli ole o ka pono karistiano, a he lunakanawai apana no keia apana ma ka oihana. Iloko o kona mau la, ua makee ia na hana pono a pau, a ua huhu ia na hana ino paumaele a me na haumia mamuli o kona ano karistiano. A ma o kona kulana lunakanawai, ua malama ia ka hanohano o ka lehulehu iloko o ke kapukapu, ka ihilani a me ka hemolele o na hiipoi ana. Alakai aku la oia i kana aha hookolokolo iloko o ke kulana kauale i na hemahema a me na pilikia e ulia mai ana maluna o ka oihana, a kakoo pu ae la me ka ikaika i ka oihana makai ma ia alahele hookahi. He kuokoa loa oia me ke kaulike, a he akahele hoi ma na hana a pau e pili ana i kana oihana iho. Ua hoolohe malie mai oia i ka kela a me keia aoao, alaila, kukulu iho la i kana olelo hope maluna o na mea i hoike ia mai, a me ke kanawai, a hooholo aku la me ka makahehi nui ia iloko o ka manaopaa. Me he makua ponoi la i kana mau keiki, pela oia ma kona mau

kulana a pau e ao ana i na kanaka o ka apana. Haawi oia i ka hoopakele no ka mea i hana i ka pono a me ka pololei, a hoopai me ka huhu wela i ka mea hana hewa, o ka hookekee a kue kanawai. Mamuli o keia ano, ua lilo oia i mea makau nui ia e ka poe haihai kanawai, aole no hoi e lanakila na hana kue kanawai ma keia apana i kona mau la, ua lilo oia i mea inaina nui e ka poe hana hewa, a i wai olu no ko ke kanawai mau hoaloha. O kona inoa ma kana mau hana a pau, he maemae, aala a anoi ia. A mamuli o kona hala ana aku la ma ke alahele mau o na mea a pau, nolaila, ua kaalo aku la a nalohia ka hoku hele malamalama, a pau hoi ka anapu ana o ka uwila o ka naauao ma na oihana, a ke ku nei kana mau hana me ke aloha nui ia. E kupono ai e lilo i kumuao na na opio o Waianae nei e ao ai ma ia alahele o ka ike, ka naauao a me ka noeau. Aloha. Nou e Mr. Lunahooponopono o ke KUOKOA, a me kou mau keiki oniu hua metala ke aloha. Owau iho no me oiaio, JEO. AUPUNI.

Ke pii mahuahua mai nei ka makemake ia o ka Chamberlain Colīc ChoreIa a me Diarrhoea Laau Lapaau Ola, mamuli o ka ike o ka poe a pau i hoao i na hopena maikai i loaa mai, a na lakou aku hoi i hoikeike aku i ko lakou mau hoalauna. Ke hilinai nei makou aohe mau hookaulana kiekie e ae a nui. E kuai ia aku no e na mea kuai laau lapaau a pau, BENSON, SMITH & CO. na Agena ma Honolulu,

He nui ka hoonaluea ana a ka ma’i ma ka opu i keia kau, wahi a G. W. Shivell, ka mea kuai laau lapaau, o Wickliffe, Kenetuke,.. "a ua nui launa ole mai na nol no ka Chamberlain Colic, Cholea a me Diarrhbea Laau Lapaau Ola. Ua hoolilo aka au ma ke kuai ia eha mau omole o kela laau i keia kakahiaka. Ua ike ia kekahi ola ano kupanaha a keia laau, a ma na ma'i no a pau ua keu a ka holopono. E kuai ia aku no e na poe koai laau lapaau a pau, BENSON, SMITH & Co. na Agena ma Honolulu, 2406-4ft