Ka Puuhonua o na Hawaii, Volume IV, Number 4, 26 Ianuali 1917 — Na Mea Hou o ke Koolau KA HOIKE HUI ONA C. E. MA PONIMOI HALEPULE [ARTICLE]

Na Mea Hou o ke Koolau

KA HOIKE HUI O NA C. E. MA PONIMOI HALEPULE

Pane mai Ia hoi kela ia'u, e hele ana oe me kau mau kaikamahine, ekolu oukou, ua like ia me $1.50, hookomo iho oe iloko o keia ekeeke, a hoihoi hou aku iaia, a pela pu me makou. Akaaka aku la au me ko'u olelo pu ana aku, nui no ka ike o ka imi dala ana, a hu ae la ko makou a-ka. Oiai no ka peresidena e hoakaka ana i ke kii o lesu e ku ana imua o ka poe Iudaio i kona wa o 13 makahiki, lohe ana no au i kekahi leo mahope mai o ko'u kua, ke piepiele ia nei ke kii ame ka pika-pua i mea imi dala iloko o ka halepule, a he noi no na hauwalaau ma o a maanei, aole no he hoolohe aku o ka peresidena, hoike no oia i kona manao. A wahi hou ana, e haawi ia no keia kii i ka ohaha e haawi ana i kana lulu iloko o ke eke a oi aku mamua o kekahi. O na poo ohana i haawi ia na ekeeke, oia o Geo. W. Mahi-

koa, Jas. Huddy, Geo. Heleloa, Keaka Kapule, Jas. Werner, G. M. Huddy, Hose M. Castro, Naia Kapule, Chas. Huddy, T. Lovell, Jno. Hano, "Sheriff" Jas. K. Hano, P. M. Castro, J. V. Ekekela, Rev. R. Puuki, S. W. Meheula, Herman Huddy, Mrs Jas. H. S. Kaleo, Eddie Paulo ame Dan Hano. O keia ka mahele bana mua i lawelawe ia o ka makana i ka mea e lilo ai. He elua kakauolelo i koho ia o ia o Mrs. S. W. Meheula a me Mrs J. V. Ekekela. I ka makaukau ana o na ekeeke, a ua hookomo hoi kela a me keia i kana i manao ai, ua hoihoiia mai la i ke pakaukau, a kaa aku malalo o ka helu ana a ke kaikamahine helu dala o ka banako o Lihue "Mrs Meheula ame Mrs Ekekela." Me ka eleu lua ole, ua hoike mai la na kakauolelo i ka waiwai io o kela ame keia ekeeke, a ma ka hoike, he elima mau eke i like ko lakou mau loaa, Geo. W. Mahikoa, Sheriff Hano, V. Ekekela, S. W. Meheula ame Rev. R. Puuki. Nolaila, ua hoihoi hou ia keia mau ekeeke i ka poe na lakou i hoopiha ia mau eke, e hoopiha hou a o ka mea e oi ana iaia e lilo ai ka makana. Aole i pau