Ka Puuhonua o na Hawaii, Volume IV, Number 4, 26 January 1917 — Ku He Pakaukau Kuai Meaai A GENET NO KE OLA O NA HAWAII Ala Na Hawaii, Ke Ulu Nei Na Hana Kalepa O KA PONO NO HOI O KA HAAWI NUI AKU O NA HAWAII I NA KOKUA ANA, MAI HAAWI IA HA'I [ARTICLE]

Ku He Pakaukau Kuai Meaai A GENET NO KE OLA O NA HAWAII

Ala Na Hawaii, Ke Ulu Nei Na Hana Kalepa

O KA PONO NO HOI O KA HAAWI NUI AKU O NA HAWAII I NA KOKUA ANA, MAI HAAWI IA HA'I

I keia mau la iho la, ua ku hou ae la kekahi hui Hawaii mao ke alakai ana ala a Genet kekahi o na opio Hawaii e noho nei ma Honolulu ma ke ano he luna no kekahi mahele o na limahana a ka hui McCabe, Hamilton ame Renny. O keia hui, ke lawelawe nei oia i na hana kuai poi, kuai i'a, kuai hua meaai ame na mea ano like o ka makeke. Ua ala mai keia kumuhana mamuli o ka hoomaopopo ana o keia alakai opio i ka nui o na Hawaii e lu nei i ka lakou mau kenikeni iloko o na waihona o na lahui e, oiai no nae, ua hiki no i na Hawaii ke lawelawe i na hana a keia mau lahui e e hana nei. Aole wale o ia, o kana mau

lima-hana, he mau puu dala nunui ka lakou i kela ame keia pule, a, ua oi aku ko lakou lu ana i mau dala iloko o ka lima o ka Hawaii mamua o ko na kanaka o na aina e. Ma keia pakaukau e kuai ia ai na poi ono o ke kaona. Malaila no hoi e loaa ai na i'a ono, makamaka hou ame na i'a maloo, peia no hoi na hua ai o keIa ame keia ano. O keia pakaukau, e ike ia no ia ma ka makeke kuai i'a o Honolulu nei, a, he mea pono i na Hawaii o ke kaona nei e kakoo aku hoi i keia Hawaii mao ke kuai ana ala i kana mau mea kuai. E kipa ae ke aloha i kou hoa kanaka, aole hoi e lele aku ia ha'i.