Nuhou, Volume I, Number 22, 31 March 1874 — HE NANI KEIA. [ARTICLE]

HE NANI KEIA.

He au hou keia o ka noho Moi; o Kalakaua Moi o ke aupuni Hawaii nei; a mao na hiohiona la me he mea la e kupono ke kapaia aku o Kauikeouli II. ma on a hooponopono noeau ana i ku i ka pono a me ka pomaikai o ka Lahui Hawaii ili ulaula. I ko Kauikeouli noho aupuni ana, ua haawi aloha ae la oia i na kuleana aina i kona mau makaainana a oia na pono nui o ko ka Lahui noho ana a hiki i keia wa, Ano hoi, ua kau ae nei he alii maikai he oluolu a he aloha kanaka, oia ka Moi Kalakaua ma ke kulana he makua no ka Lahui; nolaila, he mea maikai ke noonoo pono ia keia mau kumu Hoopomaikai, E haawiia na aina Lei alii no na makaainana ; a e kuleana kela a me keia nona iho; a e kauia ke kanawai e Hoolilo ana ia mau 1 aina me ka Papa loa ia aole e kuai wale aku iwaho; aka, e lilo i mau aina no ka mea i haawiia a me kona mau Hooilina, mai a ia aku a kau aku i kana mau mamo : a e papa ia ka molaki ana aku me hai; ai nele i ka mamo ole e ili aku ai, alaila e hoi hou i ke aupuni a na ke aupuni e haawi hou aku i kekahi kanaka aina ole. Ma keia mea, e loaa no he mau pomaikai

nui, a he waiwai hoi no ke aupuni. O na aina Lei alii he mau waiwai ia no ka Moi; aka, i na e haawiia no na makaainana. alaila, aole e poho na Moi, oiai e kau ia ana ka auhau waiwai paa maluna o ka poe i haawiia aku ai u|a mau aina la ; a oia mau auhau; e hoopihaia ana ka waihona dlala o ke aupuni, a mai ke aupuni ae maloko o na Bila Haawina a na Ahaolelo : e uku ae i ka Moi, ma ka Haawina Hui me na Haawina mau o ka Moi. Nolaila, ua loaa he waiwai i ka Moi mai ua mau aina lei alii nei, a ua waiwai no hoi ke aupuni, a ua waiwai hoi na kanaka i ua mau aina lei alii nei, a hookahi waiwai oi loa, oia ka mahi ana o kela kanaka a me keia kanaka i ua mau aina nei i haawiia a imi i ola nona, a i waiwai nona mai ia mau aina, He waiwai ole ka aina waiho wale iho no aohe mea nana e mahi a o ka Moi wale no me ka ohana alii ke pono a noho wale mai hoi ka poe mea aina ole e noho mai nei, aohe wahi e moe ai ke poo, aole hoi wahi e mahi ai ai a hooulu ai i na mea e pono ai, a e ola ai ka noho ana. Nolaila, he kumu Hoopomaikai nui keia o keia au hou o ka noho ana Moi; a e ola na makaainana ma o Kalani Moi Kalakaua ala ; a pela e hooholo pono ia ai, na pomaikai o ka noho aupuni ana o keia Kauikeouli II. Nani keia! E kali kakou no ka hooia ia mai e na Lani : a na ka Ahaolelo ka hooponopono ana mai, i loaa ai he au hou o ka noho ana. a he kumu hou oka hoopomaikai ana.