Ka Loea Kalaiaina, Volume II, Number 3, 15 January 1898 — UA HALA! UANALO!! [ARTICLE]

UA HALA! UANALO!!

He mea pono ke hoomaikai ia na Mana Lani, no ka mea, Nana no i haawi mai, a nana no i lawe aku, e hoomaikai ia oia. Ma ka hora 7 1/2 o ke kakahiaka la Sabati nei. Ianuali 9, M. H. 1898, ua kii mai la na lima menemene ole a ka ka make, a lawe aku la i ka hanu ola o Willes Kamaliikakane me ka palauehe, a waiho iho la i ka ukana luuluu o ke aloha keiki i ua makua, o kani kau aku ma keia aoao o ka lua. Ua hanau ia o Willes Kamaliikane ma Hanapepe, Kauai, i ka la 9, o Sept. M. H. 1892, ua piha na makahiki elima me eha mahina o kona hanau ana i na e-a inea o keia ao mauleule, mai ka puhaka mai o Moonohu a me Waniela Paiho mai, a mai kona puka ana i keia ao, ua lilo mai ia maua ka hanai ana me ka waiu ole, a hiki i kona nui ana a haalele maili ia maua na makua hanai. Ua nui no ka iini ana i ke ola a me ka lima o ke Kauka N. B. Emekona, na lawelawe ana no ke ala e loaa ka maha aka, ua oi aku ke koikoi o ka haawina o ka pilikia mamua o ka ikaika o ka laau, Nolai- la, ua hala kamaua lei aloha a ke noho nei maua me ka luuluu nona. E hoonani na Ia'u - D. W. Kamaliikane