Ka Wai Ola - Office of Hawaiian Affairs, Volume 40, Number 9, 1 September 2023 — Kū Mai ka Po'e Hula [ARTICLE+ILLUSTRATION]

Kū Mai ka Po'e Hula

V KA NA'AUAO O NA KUPUNA V ^ THE WISDOM OFTHE KŪPUNA "

Na Kalani Akana, Ph.ū. Aloha e nā makamaka o kēia kolamu nūpepa. He ho'olaha maika'i kēia. E ho'opuka hou 'ia ana e OHA nei nā puke inoa

o nā po'e heona a me nā po'e hana no'eau Hawai'i. Ma nā makahiki 0 nā 1990, ua pa'i 'ia 'ekolu puke inoa: Kū Mai Ka Po'e Hula (1993), Ola Nā Iwi (1995), a me Nā Lima Mikioi (1997). I kēia manawa, e ho'opuka hou 'ia ana nā puke ma www. papakilodatabase.com/. E hiki ana nā kānaka ke e'e ma kēlā wahi pūnaewele e huli a loa'a 1 ka 'ike e pili ana i nā kānaka e ho'omau ana

i ka mo'omeheu Hawai'i. Kū Mai Ka Po'e Hula {1993). Ma nā makahiki 1990, ua hō'ulu'ulu 'o Kumu Hula Manu Boyd, he limahana o OHA i kēlā manawa, i nā inoa o nā po'e hula no kēia puke inoa. 'A'ole nā kumu hula wale nō. Ua hō'ike 'ia ma ka puke inoa 'o Kū Mai ka Po'e Hula nā inoa o nā ho'okūkū me nā hō'ike hula a me nā inoa o nā po'e kōkua hula e like me nā kanaka kālai pahu me nā kanaka hana mea ho'okani hula like 'ole e like me ka 'ulīulī, ka puili 'oe, ke kā'eke'eke 'oe, ka ipu heke, a pēlā aku nō.

'O Hōkūlani Holt kekahi o nā kumu hula ma ka pukana mua 'o Kū Mai ka Po'e Hula. 'O Hōkū ke kumu hula o Pāu o Hi'iaka, ka hālau āna i ho'okumu ai ma Maui ma ka makahiki 1976. Ua a'o 'ia 'o ia e Hoakalei Kamau'u akā 'o kona kumu hula mua kona makuahine 'o Leiana Long Woodside. He 'ohana hula ka 'ohana Long no Paukūkalo, Maui, no laila, ua a'o mai 'o Hōkū i nā loina hula mai kona kupuna wahine, 'o Ida Pakulani Ka'aihue Kai'anui Long me kona makuahine 'ohana 'o Kāhili Long Cummings. 'A'ole a'o wale 'o ia ma kona hālau akā ua ho'olaulā a ho'olō'ihi i kona 'ike hula me ka ho'okumu 'ana i ka ho'okūkū hula ma Maui 'o ia ho'i 'o "Kū Mai ka Hula." Ma ka makahiki 1997, ua ho'okumu 'o Hōkū lāua 'o Pua Kanahele me Leina'ala Heine Kalama i ka Lālākea Foudation i mea

e kāko'o a e ho'olālā ai i "Ka 'Aha Hula o Hālauaola World Conference on Hula." Eia nō kekahi a'e. Ua ho'okumu 'ia 'o Kuahea Ine. e ia ka hui nāna i ho akoakoa i nā kumu hula like 'ole ma ka pu ulu hui 'o Kinimakalehua no ka ho'opuka 'ana i hō'ike hula hou no ka lehulehu. Na kēia hui i ho'opuka iā "Kahekili,""Māui," "Kūlanihāko'i," me kekahi a'e. 'O kekahi lālā o Kinimakalehua 'o Lono Padilla, ke keikikāne a Hōkūlani Holt. 'O Lono kekahi o nā kumu hula hou i ka puke inoa 'o Kū Mai ka Po'e Hula. 'O ia nō ka haku hula no Kahekili a 'o ia ka haku nui o Home: Inside & Out, kekahi papahana i kāko'o 'ia e ka National Museum of the American Indian's Expressive Arts. Ua uniki 'ia 'o ia e kona makuahine 'o Hōkū ma ka makahiki 2008 me kona hoahānau 'o 'Ulalia Woodside Lee. He k)irrui hula 'o Lono me Ke'ano Kapu o

ka hālau hula 'o Hi'iakaināmakalehua, kekahi hālau i puka me ka lanakila ma ka ho'okūkū hula 'o Mele Manaka. Aia ana ko Lono mo'olelo ma Kū Mai ka Po'e Hula 2. Aia kekahi lālā e a'e o ka 'ohana Long ma Kū Mai ka Po'e Hula. 'O ia 'o Maelia Kahanuola Loebenstein Carter a 'o kāna kumu hula 'o kona kupuna wahine 'o Mae Ulalia Long Loebenstein. A 'o ko kona kupunawahine kumu hula 'o Ida Pakulani Ka'aihue Kai'anui Long no Paukūkalo, ke kupuna wahine like o

Hōkūlani, Lono, me 'Ulalia. Inā heluhelu 'oe i nā mo'olelo ma ka puke, e 'ike ana 'oe i ka 'oiā'i'o o ka olelo, he po'e 'ohana ka po'e hula. Inā he kumu hula 'oe a i 'ole he kanaka hana no'eau mea hula a hoihoi paha 'oe e ho'okomo i kou mo'olelo i loko o Kū Mai ka Po'e Hula II ma Papakilo, e leka uila ia'u ma kalania@oha.org a na'u 'oe e ho'ouna i palapala ho'opiha. ■ Kalani Akana, Ph.D., is a kumu ofhula, oli and 'ōlelo Hawai'i, and a research analyst at the Office of Hawaiian Affairs. He has authored numerous articles on Indigenous ways ofknowing and doing.

To read an English translation of the article, go to kawaiola.news

Hōkūlani Holt - Courtesy Photos

Maelia Loebenstein Corter

Ulolia Woodside Lee

Lono Padilla