Ka Wai Ola - Office of Hawaiian Affairs, Volume 40, Number 7, 1 July 2023 — Nā Lima Mikioi [ARTICLE+ILLUSTRATION]

Nā Lima Mikioi

V KA NA'AUAO O NA KUPUNA V ^ THE WISDOM OFTHE KŪPUNA "

Na Kalani Akana, Phū. Aloha e nā makamaka o kēia kolamu nūpepa. He ho'olaha maika'i kēia. E ho'opuka hou 'ia ana nā puke inoa o nā po'e heona a me nā po'e hana no'eau Hawai'i. Ma nā

makahiki o na 1990, ua pa'i 'ia 'ekolu puke inoa: Kū Mai Ka Po'e Hula (1993), Ola Nā Iwi (1995), a me Nā Lima Mikioi (1997). I kēia manawa, e ho'opuka hou 'ia ana nā puke ma Papakilo Database. E hiki ana nā kānaka ke e'e ma kēlā wahi punaewele e huli a loa'a i ka 'ike e pili ana i nā kānaka e ho'omau ana i ka mo'omeheu Hawai'i. Nā Lima Mikioi (1997) - Ua hō'ulu'ulu 'ia nā inoa o nā kānaka hana no'eau e hana ana me nā ma'awe like 'ole e like me ka lauhala, ka wauke, a me ka 'ie'ie. 'Oiai ua hala ka nui o nā po'e nala lauhala ma ka puke, ua māhuahua ka heluna o nā po'e lauhala ma muli o ke a'o o nā loea ulana lauhala e like me ka Mamo Makamae o ka Po'e Hawai'i 'o Elizabeth Malu'ihi Lee, ka mea nāna i ho'omaka i ka 'aha 'o Ka Uluhala o Kona. 'O kēia ka piha makahiki he 26 o ka 'aha a ua hū a'e ka nui o nā po'e nala lauhala. 'O Ipolani Vaughan kekahi o nā po'e hou i loko o Nā Lima Mikioi II ma Papakilo. Ma kāna ho'omeheu 'ana i kona mo'okuauhau ua 'ike 'o Ipolani he hulu kupuna nala lauhala no Kipahulu kona ma ka 'ao'ao o kona makuahine. 'O Kawahineae'a Kauaua kona inoa no laila he welo ulana lauhala ko Ipolani. Ua hō'ike mua 'ia ka nala lauhala iā Ipolani e kekahi kūpuna no Kaua'i ma ka 'ao'ao o kona makuakāne, 'o Esther Pā Makua'ole ka inoa. 'O Gladys Grace no Kona na'e ko Ipolani kumu ponot o ka uluna lauhala. Eia ho'i, ua a'o 'ia 'o ia e 'Anakē Gladys ma ka olelo Hawai'i wale nō.

Ho'omau 'o Ipolani i ka 'ike lauhala mai kona kumu ma o ke a'o 'ana i nā haumāna ma Papakōlea a ma ka home. 'A'ole 'o ia kāki no nā ha'awina. Ua manuahi nā papa ulana lauhala ma muli o ka hā'awi manawale'a 'ana o ka 'ike lauhala iā ia. 'O Kā'eo Izon a me Poliala Ewaliko kekahi o kāna mau haumāna hu'ea'o ma mua a 'akahi a lilo kekahi opio wahine i hu'ea'o hou. 'O Keaokeaawailani Reyes-Len-ehanko kona inoa a e 'ailolo 'ia ana 'o ia ma ka olelo Hawai'i. 'O ko Ipolani hau'oli loa nō ho'i ka 'apo 'ia 'ana i ka 'ike lauhala e kāna mo'opuna wahine 'o Nohea Vaughan-Darval. Ua olelo ha'aheo 'o Ipolani, "Nui ko'u hau'oli no ka mea e mau ana ka ulana lauhala i ka 'ohana." Eia kekahi, he mau mo'opuna kaikamahine e a'e e a'o nei i ka ulana lauhala me ka tūtū. E mau ana nō ka uluna lauhala a kau ke kupuna i ka puaāneane! ■ Inā he kanaka nala lauhala, hana kapa, hana 'ie, hana aho/'aha/kaula, hana 'upena, hana kōkō a hana 'oe me nā hana maawe like 'ole a hoihoi paha 'oe e ho'okomo i kou mo'olelo i loko o Nā Lima Mikioi II ma Papakilo, e leka uila ia'u ma kalania@oha.org a na'u 'oe e ho'ouna i palapala ho'opiha. Inā hoihoi 'oe e a'o mai i kekahi hana no'eau maawe e nānā iā Kauluhiwaolele 2023 ma www.khhmaui.com/kauluhiwaolele ka 'aha nui hana maawe ma ka hōkele 'o Kaanapali ma Kepakemapa. Kalani Akana, Ph.D., is a kumu ofhula, oli and 'ōlelo Hawai'i, and a research analyst at the Office of Hawaiian Affairs. He has authored numerous articles on Indigenous ways ofknowing and doing.

To read an English translation ofthe article, go to kawaiola.news

Ipolani me kana mo'opuna 'o Nohea ma Ko Uluhala 'o Kono i mōlama iho nei mo Mei 2023. - (ourtesy Photo

Kō Ipolani mau mea lauhala mo Ko Hale Hō'ike'ike a Komehameha (Plhopa): 'eke ipu hula, kūkini ke'ehana, pahu hōpoi.- ( ourtesy Photo