Ka Wai Ola - Office of Hawaiian Affairs, Volume 39, Number 7, 1 Iulai 2022 — Ho'omōmona 'ia 'o Kawela [ARTICLE+ILLUSTRATION]

Ho'omōmona 'ia 'o Kawela

V KA NA'AUAO O NA KUPUNA V ^ THE WISDOM OF THE KŪPUNA * _ _ m M m M _ _ ■

Na Kalani Akana, Ph.ū. He aina wela 'i'o nō 'o Kona - ka 'ao'ao Kona ho'i o ka mokupuni o Moloka'i. Aia 'o Kawela ma kēia 'āina wela a malo'o. 'A'ole like ia me nā aina uluwehi 'o Hālawa mā ma Na'e. Akā 'oiai ua neoneo ka hi'ohi'ona o Kawela uka ma ka nānā 'ana ua ho'owaiwai 'ia ka aina ma kai, ma ke kaha nuku muliwai, e nā kahawai o Kawela me 'Ōnini. Ma ia nuku la, ua kūkulu nā po'e kahiko i loko wai no ka mālama 'ana i i'a. 'O ka 'awa a me ka 'ama'ama nā i'a mōmona o ia mau loko wai 'o Kakahai'a, Kanoa (ma Makakupaia Iki), Uluanui a me kekahi a'e. A, ma muli o ka mālama 'ana i nā kānaka i ka aina a me ke kai, ua lilo 'o Kawela i aina mōmona. Ua mahu'i mai nā kānaka hulikoehana, 'o lākou nā mea 'ike hana lima o ke au i hala, ua ho'onoho kanaka 'ia 'o Kawela ma kahi o nā 1200 A.D. a ua ha'alele 'ia ma ka wā o nā kaua a Kamehameha. Ma ka makahiki 1795, ua 'auhe'e 'o Kalola me kāna kaikamahine 'o Keku'iapoiwa Liliha a me kā ia nei kaikamahine 'o Keōpūolani (mo'opuna a Kalola) iā Pihanakalani, Wailuku i o 'Iao me 'Olowalu ā hiki aku i Moloka'i. Ua alualu 'o Kamehameha iā lākou a ma Moloka'i i hā'awi 'ia ai 'o Keōpūolani i wahine nāna e Kalola. Ma Kawela paha, 'a'ole paha lākou i ho'omaha ai ma muli o ka pu'uhonua ma laila. Ua ho'opalekana 'ia ka pu'uhonua i nā kānaka i ka manawa a Kapi'iohookalani, keiki ali'i a Kuali'i o O'ahu, i j o» rA

ho'ouka kaua ai i ka 'ohana o Alapa'i ma Kawela i ka makahiki 1736. 'Oko'a nā hale a nā kānaka i noho ai ma laila - 'oko'a i ka hale ma'a mau a kākou e 'ike nei he hale Hawai'i. Ua hō'ike mai 'elua mau kānaka hulikoehana,'o Marshall Weisler a me Patrick Kirch, i ke 'ano o ka nohona ma mua o ka ha'alele 'ana o nā kupa mai Kawela. Ua no'ono'o 'ia e lāua, 'o ia nō ka manawa ma hope 0 ka hala 'ana o Kalola. Ua nānā lāua i 72 mau mea kūkulu (e.l., kahua hale, paia, 'unu, heiau) 1 loko o ka 'ili laulā o Kawela me Makakupaia Iki, he 442.5 mika i pāho'onui lua 'ia. Hoihoi nā paia pōhaku pauke'eke'e ma nā mahele malo'o o uka o ka aina mōmona o kai. No'ono'o nā kānaka hulikoehonua 'elua he mea hō'ili'ili nā paia pōhaku kālawa no ka ho'āhu 'ana i lepo mōmona i lawe 'ia e nā ua ma ka wā ua, ma ka Ho'oilo (Nānā Ki'i). Ma kai, aia kekahi mau puna wai a ua 'eli nā kānaka i 'auwai ma ke owāwa i mea e lawe i wai kahawai i nā māla o lalo. 'O kekahi mea hoihoi a Weisler lāua 'o Kirch i 'ike ai, 'o ia nō ke 'ano o nā wahi nohona ma Kawela. Ma muli o ka wela o ia wahi, ua noho a'e nā kānaka ma nā lapa a me nā hene kualono i 'olu'olu nā hale i ka makani. Ua hāmama kekahi 'ao'ao i nā makani 'olu'olu a ho'opa'a 'ia kekahi 'ao'ao me ka paia pōhaku. Ma nā kauhale 'ohana, aia nā wahi no ke kuke 'ana, ka hana kapa paha, hana makau, a pēlā aku a hō'ike 'ia kona 'ano ma nā mea i 'eli 'ia. 'O ke kinona ma'a mau o nā paia nā kinona C, J, me ka L. Aia 'elua wale no kahua me ke kinona huinahā ma'a mau. He mau wahi no ka ho'omana 'ana. 'O ka mea nui a'e ka Hale o Lono. Aia ia wahi kapu ma ka 'ao'ao hikina o Kawela a 'o ia nō kāhi i ho'ili'ili 'ia nā 'auhau no ka Makahiki. Aia kekahi mau ana i noho 'ia e ke kanaka ma Kawela me nā koena mea kanu a me nā mea i hana 'ia e ke kanaka e like kekahi hoe me 'elua mahele. Aia kekahi ki'i o ia hoe kūikawā ma ka puke wa'a a Tommy Holmes. 'O kekahi mea hoihoi e a'e ke koena kapa i hana 'ia me ka akōlea (Boehmeria grandis). 'A'ole i ho'opalapala iki 'ia ma mua kēia 'ano kapa. He hō'ike nō na'e i ke akamai o ka po'e kahiko e ho'ohana i ka mea i loa'a a e ho'oma'a e noho ma kēia kaianoho Kona. ■ Kalani Akana, Ph.D., is a kumu ofhula, oli and 'ōlelo Hawai'i, and a research analyst at the Office ofHawaiian Affairs. He has authored numerous articles on Indigenous ways of knowing and doing.

To read this article in English, go to kawaiola.news.

> C t&t ■» . AOmCUtTUHAL COMPLEX ^ Nn paia pauke'e o na mala mahi'ai. - Ki'i: Weisler & Kirch (1989)