Ka Wai Ola - Office of Hawaiian Affairs, Volume 39, Number 6, 1 June 2022 — He Kino Hou o ka Waihona Puke llila Hawai'i 'o ka Ulukau [ARTICLE]

He Kino Hou o ka Waihona Puke llila Hawai'i 'o ka Ulukau

Kākau 'ia na Robert Stauffer a unuhi 'ia na Kamalani Johnson Oka Waihona Puke Uila Hawai'i 'o ka Ulukau kekahi o nā kahuapa'a olelo oiwi kele nui loa 'ia o ka poepoe honua e 'e'e ai ka po'e mai Hawai'i, nā moku'āina he 50 pau pū me ka 'Āpana 'o Kolumepia, a me ka 122 kaumoku aina ma ka li'ili'i loa. E 'oli'oli nō paha ka na'au o ka mea olelo Hawai'i a puni ka poepoe honua ke lohe a'e i ke kele 'ia o ka Ulukau he 50,000 manawa o ka lā, e kokoke ana i ka 400 miliona kele 'ana mai kona ho'okumu mua 'ia i ka makahiki 2002. He manuahi ka Ulukau mai kinohi mai i holo ma luna o ka lāt lūlū 'ia mai na nā lālā a hui kāko'o o ke kaiaulu. Ka'a hope akula he 20 makahiki mai kona ho'okumu mua 'ia 'ana, ke hō'ano hou makamua 'ia nei ka Ulukau. Inā e kele aku i ulukau.org i kēia lā, ma laila e 'ike 'ia ai he ki'i nani a me nā koho a ala hou e 'ike 'ia ai kona mau 'ohina he 20, nā puke ma nā haneli, a me nā 'ao'ao nūpepa ma nā kaukani. Hiki pū ke kele i wehewehe.org, kahi kele nui 'ia o ka Ulukau e 'ike 'ia ai kona ki'i nani hou a me kona kino pa'a e huli huaolelo ai ('Ōlelo Hawai'i-olelo Pelekānia a mai ka olelo Pelekānia-'Ōlelo Hawai'i). 'O kekahi holomua nui ka hō'ano hou 'ia o ka 'ohina puke (puke. ulukau.org). E kele aku i kēia māhele o ka waihona puke a me kona lau hou. 'Ānō, hiki ke nānā 'ia ka puke ma nā ala hou, ma ke kamepiula, ke kamepiula lawe lima, ka papa uila, a kelepona pū. Ma ka holo o nā māhina e hiki mai auane'i, e hō'ano hou pū 'ia nā 'ohina hou aku o ka Ulukau. He pu olo ho'i kēia e hāpai 'ia a'e nei na kēia waihona puke uila aloha nui 'ia i nā mea 'ōlelo Hawai'i a puni ka poepoe honua. Ma kēia piha makahiki 20, ke pāhola aku nei nā hui ho'okumu o ka Ulukau - ke koleke olelo Hawai'i 'o Ka Haka 'Ula o Ke'elikōlani ma ke Kulanui o Hawai'i ma Hilo a me Alu Like - i ka mahalo i ke kāko'o o ke kaiaulu a me nā hoa kāko'o ma nā makahiki he 20 i ka'a hope akula 'oiai e kūlia ana i ka ho ola a ho'oholomua i nā ala olelo a 'ike Hawai'i no ka wā e hiki mai ana. ■