Ka Wai Ola - Office of Hawaiian Affairs, Volume 39, Number 2, 1 February 2022 — Ho'oma'ema'e: He 'Ano Ku'una e Hemo ai nā Mea 'Awahia o ke Kino [ARTICLE]

Ho'oma'ema'e: He 'Ano Ku'una e Hemo ai nā Mea 'Awahia o ke Kino

J MALAMA I KOU ICINO V ^ CARE FOR YOUR BODY *

Na Jodi Leslie Matsuo, DrPH He 'oihana lapa'au ku'una ka ho'oma'ema'e nona ka inu 'ana i nā lā'au ho'oma'ema'e a me ka ho'okē 'ana i nā mea 'awahia e ho'oponopono 'ia ai nā hemahema ma nā puiiupuiiu la dl IId IICIiIdIICllId llid lid

māhele 'ekolu o ke ola kānaka: ke ola pilikino, ke ola o ka no'ono'o, a me ke ola pili'uhane. Ua mana'o 'ia, 'o kēia mai

hemahema nō ke kumu o nā 'ano ma'i like "oie he nui. Ua pōmaika'i nō au e hana pū me kekahi hui i a'oa'o 'ia ma kēia 'oihana lapa'au e kekahi loea i kaulana a puni ka honua, 'o ia ho'i 'o 'Anakē Margaret Machado, he loea ho'i ma kēia 'oihana 'oiai ua ili mai kēia 'ike ma kona 'ohana mai kekahi hanauna a i kekahi no nā hanauna he nui. 'A'ole he 'oihana ma'alahi a wikiwiki ka ho'oma'ema'e; a pono e noho pa'a no ka lawelawe 'ia a hala kekahi mau lā. No ka hana 'ana i kēia 'oihana, pono nō ka ho'omaha pinepine 'ana, ka inu 'ana i nā lā'au i nā manawa i ho'olālā 'ia, a me nā 'ano hana ho'opolapola like 'ole e like me ka lomilomi, ka ho'oponopono, ka lā'au lapa'au, a pēlā aku. I nā ahiahi, mālama 'ia ka papa 'ai pono e a'o ai nā kānaka i ka 'ike e pono ai ka ho'oma'ema'e kino e mau ana i nā pule ma hope o ka ha'alele 'ana i ka polokolamu. He lau a he hua'ai i ho'omākaukau 'ole 'ia me ka 'aila a me ke kōpa'a wale nō ke 'ano o ka 'ai i hānai 'ia. Ho'okē 'ia ka 'ai 'ana i nā 'ano 'ai e a'e a pau, 'oiai 'o ia nō kekahi mea e ke'ake'a ana i ka hemo 'ana o nā mea 'awahia o ke kino, e ho'olohi ana i ka lapa'au 'ana, a e paipai ana ho'i i ka omo hou 'ia mai o nā mea 'awahia i hemo e akula. 'Oiai 'o ka mea 'ai Hawai'i ku'una ka hapa nui o kēlā me kēia papa 'aina, ho'okomo pū 'ia nō nā lau 'ai a me nā hua 'ai e a'e i mea e hō'ike ai i nā 'ano mea 'ai i hiki ke lilo i pani hakahaka no nā mea 'ai Hawai'i i nele. He mea nui kēia, 'oiai no loko a no nā aina e mai ho'i ka hapa nui o nā pu ulu kānaka. Ma ka papa 'aina ma'a mau, e loa'a ana ka poi, ka 'ulu a 'uala paha i pūlehu 'ia, ka laiki māku'e, ka lau 'ai, ke kupa, ka tōfū a pāpapa paha, a me kekahi mau lekapī e a'e me nā mea'ai lau nahele i pūlehu 'ia, i pālai kāwili 'ia, i ho'o'oma 'ia, a i waiho maka 'ia paha. Mikomiko iki 'ia ka 'ai me ka pa'akai Hawai'i, ke kinika, ke kālika, ka olena, ka limu, a me ka hū 'aiaola. Hiki i ka po'e hoihoi ke ho'omaka ma o ka hahai 'ana i ia la'ana ma ka hale no nā pule he 'elua. ■