Ka Wai Ola - Office of Hawaiian Affairs, Volume 39, Number 2, 1 February 2022 — Ola Mau ka 'Ōlelo Hawai'i, ka 'Ōlelo 'Ōiwi o ka Lāhui Hawai'i [ARTICLE]

Ola Mau ka 'Ōlelo Hawai'i, ka 'Ōlelo 'Ōiwi o ka Lāhui Hawai'i

Na Malia Nobrega ūlivera, Hawai'inuiākea School of Hawaiian Knowledge £ Pepeluali ka Mahina 'Ōlelo Hawai'i. I ka makahiki 2013, ua pūlima Ē ■ 'ia 'o Act 28 e ke Kia'āina 'o Neil Abercrombie. 'O ia mahina ka wā M le ho'omaika'i, ho'oikaika a ho'opaipai ai i ka 'ōlelo makuahine o Hawai'i a puni ka pae'āina. 'Oiai, mau nō ka ma'i ahulau 'o COVID19 i kēia makahiki, '0 ka hapanui o nā hanana 0 kēia mahina, aia nō ma o ka punaewele i 'ole e laha hou a'e ai ia ma'i. Mahalo nui i nā hui like 'ole e mālama ana i nā hanana like 'ole e like me 'Ahahui 'Ōlelo Hawai'i, Hawaiian Mission Houses Historic Site and Archives, Hālau 'o Kapikohānaiāmālama, Kuini Pi'olani Hawaiian Civic Club, Hawai'inuiākea School of Hawaiian Knowledge, Nā Pua No'eau (Mānoa), Hale Hoaka, Hawai'i Papa o ke Ao, Papahānaumokuākea Marine National Monument a pēlā wale aku. Inā he hanana kāu a hiki iā mākou ke kōkua me ka ho'olaha 'ana i ke kaiāulu e leka 'uila aku iā Malia Nobrega-Olivera ma nobrega@hawaii.edu. Pīhoihoi nō kākou i ka mālama 'ana o ka 'Ahahui 'Ōlelo Hawai'i i mau hanana i kēia mahina 'oiai 'o ka makahiki 2022 he makahiki ho'omana'o a ho'olaule'a ana i ka piha makahiki he 50 o ia hui. I loko o nā makahiki he 50 na ka 'Ahahui olelo Hawai'i i hāpai a'e i ka paipai 'ana a ka ho'onui 'ana i ka olelo Hawai'i; nāna i haku a kūkulu i nā ha'awina olelo Hawai'i, nā pāleo, nā pā sēdē, nā wikiō a me nā mea ku ai, nāna i ho'opuka i kahi polokalamu lekiō 'o Ka Leo Hawai'i (ma KCCN), a me ka polokalamu kīwī ho'olele kaiāulu, 'o ia 'o Mānaleo (ma 'Ōlelo), a pēlā wale aku. Ma ka mahina olelo Hawai'i e ho'olaha a kono ana ka 'Ahahui 'Ōlelo Hawai'i i ke kaiāulu e lilo i lālā o ia hui. No laila, e ka lāhui e kui lima kākou me ka papa alaka'i hou o ka 'Ahahui 'Ōlelo Hawai'i a kāko'o i nā 'ano polokalamu e paipai ana i ka olelo oiwi o nei aina aloha nui 'ia. • 1 Pepeluali (6:00 p.m.): Wehena Mahina 'Ōlelo Hawai'i ma kā Kanaeokana Facebook • Ma nā Pō'alua a pau (4:00 p.m.) me nā Pō'ahā a pau (10:00 a.m.): Hui Kama'ilio ma Clubhouse App • Ma nā Pō'akolu a pau (12:00 p.m.): nā hanana a

Hawaiian Mission Houses Historic Site and Archives • Ma nā Pō'alima a pau (11:30 a.m.): nā hanana a 'Ahahui 'Ōlelo Hawai'i • 22 Pepeluali (1:00 p.m.): Huaka'i 'Ōlelo Hawai'i 'īwā ma Hawaiian Mission Houses no Kula Kamali'i a Kula Ki'eki'e • 27 Pepeluali (6:00 p.m.): Panina Mahina 'Ōlelo Hawai'i ma kā Kanaeokana Facebook E huli i lāli'i o nā hanana olelo Hawai'i a pau me nā lou punaewele ma http://mahinaolelohawaii.org ■