Ka Wai Ola - Office of Hawaiian Affairs, Volume 39, Number 2, 1 February 2022 — Untitled [ARTICLE+ILLUSTRATION]

Iloko o ko OHA 'ōlelo nu'ukia 'o Mana i Mauli Ola, 'o ka pilina o nā Kānaka Maoli i ka aina ke kahua e pa'a pono ai ka lāhui Hawai'i. He ali'i ka aina, he kauwā ke kanaka. No laila, 'o ka mālama aina kekahi kuleana ko'iko'i o OHA; a he kuleana ko kēlā me kēia lālā o ka hui 'Āpana 'Āina i ka aina a i ka lāhui Hawai'i. He 30,000 'eka aina ko kā OHA waihona aina a puni ka pae aina pili i ka 'oihana mahi'ai, ka 'oihana kālepa, a me nā aina maluō. He aha kou kuleana ma OHA, a he aha nā papahana āu e hana nei i kēia manawa? "Mālama a hookele mākou i nā hana ma ko OHA mau kuleana 'āina. I kēia manawa, ke loihape nei au i ka palapala hookele no nā kuleana 'āina a puni 'o Kūkaniloko, ma Wahiawā." No ke aha 'oe i koho ai e hana ma OHA, a he aha kāu mea punahele e pili ana i kāu hana? "Ua koho au e hana ma OHA ma muli o ke kuleana e mālama i ko kākou mau 'āina me ko kākou mau kaiāulu a puni 'o Hawai'i. 'O ka'u mea punahele o ka'u hana, 'o ia ho'i, 'o ka 'āina kā mākou kuleana mua, a pōmaika'i mākou i ka hiki ke ho'okino maoli i ka mana'o nui o 'he ali'i ka 'āina, he kauwā ke kanaka' ma o kā mākou hana. Ho'olono mai mākou i ko mākou mau wahi, a hana pū mākou me lākou i mea e mālama pono ai i nā kuleana 'āina o mākou." He aha kekahi welo ou e 'ike ai? "Mau nō ko'u a'o mai ana, a e mau ana nō." 'O wai kekahi me'e ou? "'O Jonathan Ching - ko'upalala, ka'u kumu, ko'u hoa - no kona kūpa'a mau i ke aloha, a me ke aloha 'āina." He aha kekahi mea 'aka'aka loa o kāu 'oihana? "'O kēia nīnauele 'ia 'ana o'u no Ka Wai Ola!" He aha kahi mea āu e hali'a ai no kāu hana 'ana ma OHA? "Nā manawa a mākou i kanu ai i nā laau." ■