Ka Wai Ola - Office of Hawaiian Affairs, Volume 38, Number 3, 1 March 2021 — Alaka'ina [ARTICLE+ILLUSTRATION]

Alaka'ina

j KA NAAUAO O NĀ KŪPUNA ^ , > THE WISDOM 0F THE KŪPUNA f >

Ē Ēk uhea 'oukou e nā makamaka Ē^L o neia kolamu 'ōlelo Hawai'i. 'O kēia ka mahina a ke Ali'i Maka'ainana, 'o ia ho'i, 'o Ē m Jonah Kūhiō Kalaniana'ole, i hānau 'ia ai, a e ho'omana'o a e ho'okulāia 'ia ana nō ia e nā hui sivila me nā po'e noho 'aina ho'opulapula. Ia'u e no'ono'o ana e pili ana i kona alaka'i 'ana ma Wakinekona ua 'upu a'e kekahi nīnau i loko o'u, "Pehea 'o ia i ho'oholomua ai i ke kānāwai 'āina ho'opulapula ma Wakinekoa me ka 'ole o ka mana koho?" Malia paha, aia ka pane i loko o kekahi pono ikaika a ko'iko'i no ka po'e Hawai'i, 'o ia ho'i, ke kuleana. Ua hānau 'ia 'o ia he ali'i a 'oiai 'a'ole 'o ia i kū i ka moku, ua 'ike 'o ia i kona kuleana - e mālama i nā kānaka, nā pua laha 'ole o ka 'āina. I kēlā manawa o nā 1900 aia nō nā Hawai'i he nui i ke kūpiliki'i. Pēlā ke 'ano o ke alaka'i 'ana ma ka 'ohana.

Hō'ike le'a ka haku i nā lāla 'ohana i kona kuleana. Pēlā ka hana a Kumu Hula Hōkūlani Holt Paelilla. Wahi āna, i ka wā kamali'i o kāna mau pua 'o Lu'ukia, Kani'au, me Lono ua wehewehe 'o ia i ko lākou kuleana iho ma ka 'ohana. Na Lono e mālama i kona 'anakē, na Kani'au e noho me ka makuahine, a na Lu'ukia e mālama i ke kaikaina me ke kaikunāne no ka mea'o ia ka hiapo. Ma muli o kēia 'ike le'a o ke kuleana, ua kūlia lākou maka ho'ona'auao 'ana e ho'okō pono ai ke kuleana. No laila, ua puka lākou 'ekolu me ke kekelē kula nui: Lono me ke Kekelē Ho'oka'a'ike; Kani'au me ka Palapala Lae'ula, Ho'ona'au'ao; a me Lu'ukia me ke Palapala Lae 'ula Kauka. 'Ōlelo mai 'o Hōkū, "Mana'o au, ua moakāka loa i ka'u mau keiki he mea ko'iko'i ka 'ohana, ka nohona Hawai'i, a me ka ho'ona'auao." I loko o ka pepa nui a Wai'ale'ale Sarsona, aia kekahi nīnauele hoihoi me Kauanoe Kamanā e pili ana i ke kuleana. Wahi ā Kamanā, 'o wiwo kekahi kulehana nui no ka maopopo i ke alaka'ina. Inā he wiwo ko ke kanaka, maopopo iā ia i nā mana'olana a me nā kuleana hana o ka 'ohana, Inā pēlā, hualiāmahi like nā lālā a pauo ka 'ohana a i 'ole kekahi hui hana, i ka nu'ukia a me ke ala nu'ukia like. Inā pakaulei ke kanaka, huki 'ia 'o ia i 'ō a i 'ane'i a 'a'ole hiki iā ia ke kūlia ma kona nu'u. Inā hoihoi 'oe e heluhelu e pili ana i ke alaka'ina o nā wahine 'iwi, hiki ke loa'a ka pepa nui a Wai'ale'ale Sarsona ma ka pūnaewele. Ma loko nō 'o ia i nānā ai i ke alaka'ina ma ka nohona o Kauanoe Kamanā, Meahilahila Kelling, a me Mahina Paishon Duarte. Alaka 'ina: Female Leadership in Native Hawaiian Education, Examining the Lives of Three Female Leaders in Native Hawaiian Education by Wai'ale'ale Sarsona https://scholarspace.manoa.hawaii.edu/ bitstream/101 25/62727/20 17-08-edd-sar-sona.pdf ■ Kalani Akana, Ph.D., is the culture specialist at OHA. He is a kumu ofhula, oli and 'ōlelo Hawai 'i. He has authored numerous articles on Indigenous ways ofknowing and doing. To read this article in English, go to kawaiola. news.

Na Kalani Akana, Ph.D.

WL- .i AJtk. Dr. Kauanoe Kamana ■ Photo: Courtesy

* '***«. Kll Kumu Hula Hokulani Holt Padilla ■ Photo: Courtesy