Ka Wai Ola - Office of Hawaiian Affairs, Volume 38, Number 2, 1 February 2021 — Aloha mai kākou, [ARTICLE+ILLUSTRATION]

Aloha mai kākou,

/ 'ŌLELO A KA POUHANA V ^ MESSAGE FROM THE CEO r

KA HO'OKULUMA 'ANA I K A 'ŌLELO HAWAI'I | 'Ano mau (adi. Normal.) n iiv/ iiiau VauJ* 1 ^

He mānaleo ko'u makuahine. I ka wā i kipa ai mākou i ka hale o ko'u mau kūpuna, he mea ma'amau kona wala'au 'ana me ko'u mau kūpuna ma ka 'ōlelo Hawai'i - keu ho'i ma nā wā i makemake 'ole ai lākou ia'u e lohe a i 'ole e ho'omaopopo. He mea ma'amau ia no nā Hawai'i o ka pae makahiki he kanalima a 'oi; 'a'ole i a'o 'ia ka 'ōlelo Hawai'i iā lākou e ko lākou mau mākua a me ko lākou mau kūpuna. 'A'ole hiki ke ho'āhewa i nā kūpuna no ka 'au'a 'ana i ka 'ōlelo. I ka makahiki 1896, he 'ekolu makahiki ma hope iho o ka ho'okāhuli 'ia o ke aupuni mō'ī, ua pāpā 'ia ka 'ōlelo Hawai'i ma nā kula. Ma hope iho, ua hahau a ho'opa'i 'ia nā keiki no ka 'ōlelo Hawai'i 'ana. Ua a'o kēlā hanauna, a me ka hanauna ma hope iho, i ka pili o kā lākou 'ōlelo makuahine i ka 'āhewa a me ka 'eha'eha. Ma nā makahiki 1970, he mau haneli wale nō mānaleo i koe mai. Akā, ma muli o ka paio 'ana o nā kūpuna a me nā kauleo o kekahi hanauna hou, i kēia lā he 20,000 a 'oi mau kānaka 'ōlelo i ka 'ōlelo Hawai'i. Pōmaika'i ka heluna o nā kānaka 'ōlelo Hawai'i i ka laha o ka 'ōlelo ma waena o nā hanauna; ua walewaha nā kānaka 'ōiwi, mai ka pae kupuna a i ka pae keiki, ma ka 'ōlelo Hawai'i. Mai kahi pae a i kahi pae o ka pae'āina aia nā he mau papahana kula kaiapuni a kula kaia'ōlelo pū kekahi mai ke kula kamali'i a i ka pae kulanui; komo nō ia po'e 'ōlelo ma ka 'oihana aupuni, ka 'oihana ola kino, ka 'oihana ola kaiaulu, a me ka 'oihana 'imi kālā ma ka hana 'ana, ka ho'ololi 'ana, a ma ka "ho'okuluma 'ana." Ma ka ho'olaha 'ana i kēia pukana o Ka Wai Ola ma ka 'ōlelo Hawai'i a me ka 'ōlelo Pelekania, he ake ko mākou e kāko'o i ke kuluma 'ana o ka 'ōlelo Hawai'i a me kona ho'ōla maoli 'ia i ikaika nā 'ohana, a ho'omau 'ia aku ko kākou mo'omeheu, a mālama 'ia nā ka 'āina. E ola mau ka 'ōlelo Hawai'i. ■

Sylvia M. Hussey, Ed.D. Ka Pouhana