Ka Wai Ola - Office of Hawaiian Affairs, Volume 37, Number 12, 1 Kekemapa 2020 — I Moe Kau a Ho'oilo [ARTICLE+ILLUSTRATION]

I Moe Kau a Ho'oilo

— < I MANAIKA'ŌIWI > —

Hui Mālama I Nā Kūpuna 0 Hawai'i Nei Mokuna 8: 1 Mana i ka Ho'ona'auao Na Edward Halealoha Ayau Unuhi 'ia e No'eau Peralto Ē 'ole 'ike 'ia e mākou, inā • ua ho'iho'i 'ia maila ka hapanui o nā iwi kūpuna a me nā moepū i Hawai'i Ē m nei, no ka mea, 'a'ole 'ike le'a 'ia ka nui o nā iwi kūpuna a me nā moepū i lilo aku i nā hale hō'ike'ike a puni ka honua. Eia kekahi, ua 'aihue akula kekahi mau kānaka kū ho'okahi i nā iwi a me nā moepū, me ka mana'o, no lākou ke kuleana o ka mālama 'ana i kēia mau mea makamae i ka loa'a 'ana o kēia mau mea kapu iā lākou. 'A'ole pēlā. 'A'ole 'ae 'ia kēia 'aihue 'ana i nā iwi a me nā moepū e ke kānāwai pili i nā mea i waiho wale 'ia. 'O kekahi mea nui ka huliāmahi 'ana me nā po'e 'ōiwi a me nā hoa welo like a puni ka honua e 'imi aku i nā hale hō'ike'ike a me nā kānaka e kāohi mau ana i nā iwi kūpuna a me nā moepū. Pēlā e ho'iho'i 'ia mai ai nā iwi a me nā moepū i ke kulāiwi nei. Ua komo pū au i kēia hana me kekahi mau kānaka 'ōiwi o 'Amelika, e like me Walter Eeho-Hawk (he loio a he Pawnee), Honor Keeler (he Cherokee), a me Polopeka Greg Johnson (mai ke Kulanui o Kaleponi ma Santa Barbara). Ma waho o 'Amelika, hana pū akula au me Kauka Cressida Fforde ma ke Kulanui Aupuni o Nūhōlani, nāna e alaka'i nei i kekahi hui me nā kānaka 'ōiwi o Nūhōlani, Aotearoa, 'Amelika, Hawai'i nei, a me ka po'e Ainu. Kapa 'ia kēia hui 'o "Return, Reconcile, Renew" (https://returnreconcilerenew.info/index.html). Wahi a ke kaha pūnaewele a kēia hui, "Ho'olaha 'ia ka 'ikepili o kēia kaha pūnaewele e ho'omaopopo ai i ka lehulehu i ka 'oihana ho'iho'i iwi kūpuna a i mea e kōkua aku ai i ka po'e e 'imi nei i pono no nā iwi o ko lākou mau kūpuna. He kuleana ko kēia

'ike. 'O ko mākou noi iā 'oe, e mālama i kēia 'ike me ka hahai 'ana mai i ko mākou kuamo'o no ka 'auamo 'ana i kēia kuleana: • E ho'ohana i kēia 'ike me ka na'au pono a me ka 'oia'i'o • E ho'ohana i kēia 'ike no ke kāko'o 'ana i ka ho'oponopono a me ka ho'ōla hou 'ana • E kāko'o aku i ka ho'iho'i 'ia 'ana 0 nā kūpuna i ko lākou kulāiwi pono'ī 1 hiki iā lākou ke moe kau a ho'oilo • E noke mau i ka ho'iho'i 'ana i nā kūpuna me ke koa a me ka wiwo 'ole, a e kāko'o kekahi i kekahi • E maka'ala i kou mauli ola a me ka mauli ola o kou mau hoa hana • E mālama i ka 'ike i ho'olaha 'ia me ka mahalo 'ana aku i ka po'e no lākou ke kuleana o ia 'ike" Inā e ho'iho'i 'ia mai ana nā kūpuna i Hawai'i nei, pono kākou e a'o aku i ka hānauna hou o ka po'e mālama iwi kūpuna e huli aku i nā kūpuna, mai kahi pae a kahi pae o ka honua nei, a e ho'iho'i mai i nā kūpuna i ka 'āina aloha. 'Oiai, 'ikenōmākou, 'a'olehiki ke a'o 'ia aku ke kūpa'a (he makana a he kuleana kēlā 'ano kūpa'a na ko lākou mau kūpuna). He kūpono ko mākou 'ike 'ana akui ua 'ano kūpa'a i loko o nā haumāna o ka hānauna hou. E mau nō ka hana. ■

r * h ■ 1 R It " ^ I ly. ■ -i \ ■ jV Z* - ■ U 2017 Staatliches Museum fOr Volkerkunde, Dresden Repatriation. - Photo: Courtesy of OHA