Ka Wai Ola - Office of Hawaiian Affairs, Volume 37, Number 2, 1 Pepeluali 2020 — Untitled [ARTICLE]

Ka Mo'opapa 'Ana i Ke Aukahi Aloha 'Āina no Kaho'olawe (Documenting the Kaho'olawe Aloho yĀina Movement)

Ua ho'omaka ka Center for Oral History (COH), he mahele ia ma lalo o ka Department of Ethnic Studies ma Ke Kulanui o Hawai'i ma Mānoa, i ka Pāhana 'Ohi Mo'okalaleo Ha'i Waha o Ke Aukahi Aloha 'Āina o Kaho'olawe, i mea e 'ohi'ohi a e palapala ai i ka 'ike o ka po'e i komo ma ke aukahi ma waena o nā makahiki 1976 a me 1994; ka po'e ko'iko'i na lākou i ho'okū i ka ho'opahū 'ia 'ana a me ka noho pū'ali koa 'ia 'o Kaho'olawe. 'O Kauka Davianna Pōmaika'i McGregor, he Kumu Kulanui ma ka Department of Ethnic Studies, ka mea nāna e alaka'i nei i nā nīnauele

e kōkua 'ia nei e Kamuela Werner, he haumāna laeo'o Kālai Kānaka. 'O ka pahuhopu, mana'olana 'o McGregor e nīnauele 'ia ana ma kahi o 100 kānaka no ia Pāhana a ua kō mua kekahi o nā nīnauele, e ho'omaka ana me kekahi 'elele nāna i ho'okumu iā Protect Kaho'olawe 'Ohana (PKO) 'o Kauka Noa Emmett Aluli. Ua ho'olako mua 'ia ke kālā no ka Pāhana e Hawai'inuiākea School of Hawaiian Knowledge me ke kālā mai ka Native Hawaiian Education Program No'eau Grant, he kālā pekelala mai ke Ke'ena Ho'ona'auao o 'Amelika Hui Pū 'Ia. Ma muli o ka laulā o ka pāhana a me ka pono e lele pinepine i nāmokupuni 'ē 'a'e, e 'imi ana 'o COH i kālā hou aku.. E a'o ana a e pa'a mau ana nāvmo'olelo o nā kānaka i komo ma ke aukahi i ia wā ko'iko'i o ka politika Hawai'i, ka mo'omeheu a me ka mō'aukala pili'uhane. E palapala leo 'ia ana nā nīnauele a e ho'olaha laulā 'ia ana ma UH

Mānoa ScholarSpace, ke kahua pūnaewele Kaho'olawe Island Reserve Commission, a me nā 'ano kahua like 'ole. "E lilo ana kēia mau nīnauele i pa'i wikiō 'ia i mau kumu waiwai no kānaka e noi'i nei iā Kanaloa Kaho'olawe a me ke aukahi Aloha 'Āina," wahi a Kauka McGregor. Ua mōhala a'ela ke aukahi i kanahā makahiki aku nei i ka wā a ka PKO i ho'opi'i aku ai i ka 'Aha Ho'okolokolo Pekelala ma ka makahiki 1976 (Aluli et al. V. Brown) i mea e kāohi ai i ka ho'opahū 'ana a ka Pū'ali Kaua Moana o 'Amelika Hui Pū 'Ia iā Kaho'olawe. He 'elua a 'ekolu paha makahiki ka lō'ihi a pa'a akula ia pāhana. ■