Ka Wai Ola - Office of Hawaiian Affairs, Volume 37, Number 2, 1 February 2020 — Ola Ka 'Ī - He Hanana 'Ōlelo Hawai'i [ARTICLE]

Ola Ka 'Ī - He Hanana 'Ōlelo Hawai'i

Na Kanaeokana

Ho'omakakaMahina 'ōlelo Hawai'iikalā 1 oPepeluali. Nakekaiaulu oKo'olau e ho'olaule'a i ia mahina me kekahi hanana 'ōlelo Hawai'i ma ke Kikowaena Kū 'ai 'o Windward Mall ma ka lā 'ekahi o Pepeluali mai ka hola 'umi kakahiaka a i ka hola 'ekolu o ka 'auinala. He hanana manuahi na ka lehulehu. Ua haku 'ia ka inoa o ia hanana e kekahi makuahine o ke Kula Kaiapuni 'o S.M. Kamakau ma o ka ho'okūkū kapa inoa. Ma kahi o 'iwakāluakūmālima mau inoa i hāpai 'ia e nā haumāna o Kūlaniākea me Kamakau. Ua pa'akikī ke koho 'ana i ho'okahi wale nō inoa. Puka lanakila 'o Ola ka 'ī no kona 'ano nani i ka pepeiao a me ka ikaika o ka mana'o. Kono 'ia nō ka lehulehu e kipa i ke Kikowaena Kū'āi 'o Windward e noho a puni i ka 'ōlelo makuahine me nā 'ohana a me nā pā'oihana kālepa nona ke alaka'i 'ana i ka ho'okuluma 'ana i ka 'ōlelo ma Ko'olau nei. Nui nā hanana manuahi i ia lā: he ki'i 'oni'oni pōkole 'o Hae Hawai'i, he wahi kū'ono e kāpili 'ia ai nā pālule-T me ke ki'i haku no'eau 'ia 'o ka hae Hawai'i, he mele ho'okipa a ha'i 'ōlelo ma ke kahua 'āmui nui, me nā makana like 'ole e paipai ana i ke a'o 'ōlelo Hawai'i 'ana. Aia ana kekahi mau kanaka akamai i ka 'enehana i laila e kōkua aku i nā kipa e ho'oili i nā polokolamu pā'ani a a'o 'ōlelo Hawai'i i ke kelepona akamai. Eia kekahi, e hui mai ana nā kānaka kīnai ahi 'ōlelo Hawai'i o ka Hale Kīnai Ahi 'o Kāne'ohe e hō'ike aku i ka hana ho'opākele ola o ke kīnai ahi. 'O nā mea kāko'o o ia hanana Ola ka 'ī, 'o ia nō nā kula 'o Kamakau me Kūlaniākea, Windward Mall, Kanaeokana a me ke komo pū 'ana mai 'o nā kula kaiapuni mai ka ipu kukui o Makapu'u a i ka lae o Kahuku lā. E ho'opili: Manuwai Peters, advoeaey@kanaeokana.net or 808-534-8435 ■