Ka Wai Ola - Office of Hawaiian Affairs, Volume 35, Number 2, 1 February 2018 — Mele Kanikau no Jerry Konanui [ARTICLE]

Mele Kanikau no Jerry Konanui

Na Kahikinaokalā, Kalaunuola a me Kealoha Domingo Auē ... auē 'Auhea 'oe, e ku'u hoa? 'Auhea 'oe? Hele i ke ala ho'i 'ole mai ē Hoene mai nei ka makani a'o Puna lā Ke māpu mai nei ke 'ala kūpaoa Ke 'ala onaona, he hala 'ula o 'Ūpēloa '0 Puna paia 'ala i ka hala E kau aku nei i ka hale ko'eko'e o ka pō Nahā ke kanaka, ka hale o ke aloha E Ka'ū malo 'eka, e ke kua wehi E huli nā lau i luna E huli nā lima i lalo E kū e ka 'ō'ō A kumupa'a hina 'ole i ka 'āina A piha nō ia 'umeke kā'eo me ke aloha lā ē Ke hā'ule lani mai nei ka ua Moaniani Lehua Kulu ka waimaka, uwē ka 'ōpua Hui 'ia nō ka wai a Kāne me Kanaloa Me ka 'awa hiwahiwa o 'Opihikao Ka 'awa kau lā'au a'o Puna lā Ua inu 'ia a kena i ka waiwai ku'una lā ē Ha'ina kou wehi Ka lu'ulu'u Kēia leo kūmākena nou ē E ola, e ola ka inoa E ola, e ola mau ka inoa 'o Jerry Konanui 'A'ohe ona mea e nalowale aku nei A haumaka'iole, a pala lau hala, a kolopupū, a kau i ka puaaneane Eia kō mano Hele 'oe Ke hele nei 'oe Hele loa