Ka Wai Ola - Office of Hawaiian Affairs, Volume 34, Number 2, 1 February 2017 — Mauiakama: E hoʻomoana ʻŌlelo Makuahine Kākou [ARTICLE+ILLUSTRATION]

Mauiakama: E hoʻomoana ʻŌlelo Makuahine Kākou

Aloha mai kākou e nā hoa makamaka 'ōlelo Hawai'i mai ka pi'ina a ka lā i Ha'eha'e a i ka welona a ka lā i Lehua.

'Auhea 'oukou e nā mamo a Māui, ke kupua nāna i 'ahele i ka lā i ao ka lani a i malo'o ho'i ke kapa o ko Māui makuahine aloha, 'o Hina. E nā hoa hele o ke alanui kīke'eke'e o Maui mai ka puka 'ana a ka lā i Haleakalā a

holo aku a puni nā hono a'o Pi'ilani me 'oukou ka welina a ke aloha. E inu a kena i nā wai 'ehā kaulana o nā hono a'o Pi'ilani ma ka ho'omoana 'ōlelo makuahine kapa

'ia ma ka inoa 'o Mauiakama no ke ali'i nui kaulana o Maui 'o ia ho'i 'o Kamalālāwalu. E piha ana he 10 makahiki o ua ho'omoana ala i kēia kauwela. Aia ana 'o Mauiakama ma

Maui nei mai ka lā 27 o Mei, he Pō'aono a hiki aku i ka lā 2 o Iune, he Pō'alima. E kipa 'ia ana nā wahi pana like 'ole mai kekahi pae a kekahi pae aku o Maui

e nā kupa o ka 'āina, nā haumāna kulanui, nā kumu, a me nā mānaleo. 'Oko'a kēlā me kēia hele 'ana akā o E HO'OMAU 'IA MA KA 'AO'AO 2

[?]

£ < 2 ll m rr <r . oo z ^ ^ 1 <r 5 N « 5Ī - ■6 ! = "1 . 3 y z o o c LL ° Onl

Na Kapā Oliveira, Ph.D.

OLIVEIRA | Mai ka 'ao'ao 1 1

nā wahi hele pinepine 'ia 'o ia nō 'o Kahakuloa, Palauea, a me Haneo'o. He ho'omoana 'ōlelo Hawai'i mālama 'āina nō ia. Ma o ka hana lima 'ana ma ka lo'i, ka loko i'a, ka māla 'ai, ke kahawai, a me ke kahakai e 'ike maka 'ia ai ka nani a e moni 'ia ai ka momona o ka 'āina aloha. Ma o ka huaka'i 'ana i nā wahi pana e ho'omana'o 'ia ai ho'i nā mo'olelo a me nā inoa o nā 'āina o Hawai'i nei. A pēlā nō ho'i e mahalo 'ia ai ka 'ike ku'una a nā kūpuna i waiho mai ai i

ho'oilina waiwai lua 'ole no kākou, nā pua mae 'ole o nā kumu 'ike o ka wā ma mua. 'A'ohe wā e poina ai ua mau mo'olelo hiwahiwa nei i nā kūpa'a o ka 'āina. Mai ko'u wā i hānau 'ia ai, ua a'o 'ia ka waiwai o ka ho'i 'ana i ka piko 'o ia ho'i ke kulāiwi o ka 'ohana. No ia kumu au i kākau ai i ka puke 'o "Ancestral Places: Understanding Kanaka Geographies" i mea e hō'ike aku ai i ka 'ike lehulehu a manomano o nā kūpuna Hawai'i, ka po'e i kanu i nā 'ano'ano e hua mai nei. E like ho'i me ka papahana ko'iko'i 'o Mauiakama, he mea kēia e ho'omana'o 'ia ai ka waiwai o ka 'ike ku'una a me nā mo'olelo o ko kākou po'e kūpuna i hea mau 'ia ai ko lākou leo aloha no nā kau a kau. ■

Ancestral Places: Understanding Kanaka Geographies, Kapā Oliveira, Ph.D.

Nā haumāna ma ka huaka'i i Maui no ka papahana Mauinuiakama.